MYK ya DEM Partiyê ji bo geşedanên piştî banga Rêberê Gelê Kurd Abdullah Ocalan derketine holê binirxîne li hev dicive.
Desteya Rêveberiya Navendî (MYK) ya Partiya Demokrasî û Wekheviyê ya Gelan (DEM Partî) dê bi serokatiya Hevserokên Giştî Tulay Hatîmogûllari û Tûncer Bakirhan li navenda giştî ya partiyê li hev bicive.
Di civînê de wê ‘Banga Aştî û Civaka Demokratîk’ a Rêber Apo, civînên gel û hevdîtinên bi partiyên siyasî û rêxistinên civakî yên sivîl ên piştî bangê wê bêne nirxandin. Her wiha serdanên DEM Partiyê yên li welatên Ewropayê, Rûsya û gelek welatên din, encamên van serdanan wê bêne nirxandin.
Di rojeva civînê de naveroka hevdîtinên malbatê yên li Îmraliyê bi wesîleya Cejna Remezanê hatin lidarxistin jî heye.
Di 10ê Nîsanê de endamên Şandeya Îmraliyê ya DEM Partiyê Pervîn Bûldan û Sirri Sureyya Onder bi Serokê Giştî yê AKP’ê û Serokkomar Tayyîp Erdogan re hevdîtin kirin. Ev hevdîtin jî yek ji xalên rojeva civînê ye.
