Stenbol – NÇMê girtina hunermend Kurd Mazlum Jînda şermezar kir û got: “Desthilat êrişên xwe didomîne. Hûn nikarin hunera Kurdî bêdeng bikin. Bijî hunera azad.”
Navenda Çanda Mezopotamya (NÇM) li ser girtina hunermend Mazlum Jînda ku duh ji ber stranên Kurdî xistin hepsê, daxuyanî da û nerazîbûn nîşanî girtina hunermend da.
NÇMê daxuyaniya xwe li ser platformên xwe yên medya dîjîtal daxuyanî belav kir û ev yek anî ziman: “Desthilatdarî êrişên xwe yên li ser çand û hunera Kurdî didomîne. Hevalê me yê hunermend Mazlum Jînda ji ber ku stranên Kurdî digot, hat girtin. Yên ku çand û hunera Kurdî diafirînin, li hemberî van êrişan wê gavek jî bi paş ve neavêjin. Hûn nikarin hunera Kurdî bêdeng bikin. Bijî hunera azad.”
