Nûçegihanê DÎHAyê yê berê Cengîz Oglagi ji ber dimenên kişandine hat girtin.
Nûçegihanê berê yê Ajansa Nûçeyan a Dîcleyê (DÎHA) a bi KHKê hatibû girtin Cengîz Oglagi hat girtin. Cengîz Oglagi ku ji ber di sala 2012an de li navçeya Cizîrê ya Sirnexê dimen kişandibû derbarê wî de bi îdîaya “endamê rêxistinê ye” lêpirsîn hatibû vêkirin, îro li mala xwe ya taxa Nûr a Cizîrê hat binçavkirin. Hat hînbûn ku Belçîm Kalay a di heman dosyayê de navê wê hebûye jî bi Cengîz Oglagi re hatiyê binçavkirin. Cengîz Oglagi piştî kar û berê midûriyeta polîsan birin Edliyeya Cizîrê. Cengîz Oglagi di îfadeya xwe ya edliyeyê de anî ziman ku wî ji ber xebatên rojnamegeriyê ew dimen kişandine û ev ne sûc e.
Piştî îfadeyê şandeya dadgehê bi îdîaya “Endamtiya rêxistinê” der barê Cengîz Oglagi û Belçim Kalay de biryara girtinê da û ew sewqî girtîgeha Tîpa T a Şirnexê kirin.
