Nûçegihanê Reutersê Umît Ozdal ê ku di 9ê Adarê de li Amedê xwîn çûbû ser mêjiyê wî û li nexweşxaneyê dihat tedawîkirin, jiyana xwe ji dest da.
Nûçegihanê Reutersê Umît Ozdal (43) roja 9ê Adarê xwîn çûbû ser mêjiyê wî û li beşa nihêrîna awarte ya Nexweşxaneya Perwerdehiyê û Lêkolînê ya Gazî Yaşargîl a Amedê dihat tedawîkirin. Umît Ozdal piştî tedawiya 52 rojan li nexweşxaneyê tevî hemû tedawiyê jî jiyana xwe ji dest da.
Kedkarê 21 salan ê çapemeniyê
Umît Ozdal ev 12 sal bûn di Reutersê de nûçegihaniyê-kameravan bû û 21 sal in ku karê rojnamegeriyê dikir. Ozdal ji navçeya Şemrexê ya Mêrdînê bû û li Amedê pîşeya xwe dikir.
