Rêxistina AKPê ya Amedê serdana şîna Sirri Sureyya Onder a li avahiya DEM Partiyê ya Amedê kir û sersaxî ji DEM Partiyê re hat xwestin.
Serdanên şîna Sirri Sureyya Onder a li avahiya Rêxistina DEM Partiyê ya Amedê di roja sêyemîn de didome. Rêxistina AKPê ya Amedê serdana şîna Sirri Sureyya Onder a li avahiya DEM Partiyê kir û şandeya AKPê ji rêveberên DEM Partiyê re sersaxî xwest.
Serokê AKPê ya Amedê Omer Îler axivî û sersaxî ji civata DEM Partiyê re xwest û got: “Sirri Sureyya Onder ji her aliyî ve dihat hezrkirin. Ji bo aştiyê têdikoşiya. Piştî çûyîna wî divê em keda wî ya ji bo aştiyê ji bîr nekin û xwedî lê derkevin. Ev 40 sal in li vê erdnigariyê şer heye û xwîn dirije. Sirri Sureyya Onder ji bo ev şer bê rawestandin ji bo aştiyê çi ji destê wî hat kir û dikir. Em carek din rehmetê jê re dixwazin.”
