Wan – Emre Can Demîr ku di 5ê kanûna 2024an de sirgûnî Girtigeha tîpa S a Kavakê ya Samsûnê kirin, rojê 3-4 caran gardiyan bi ser odeya wî de digirin û lêgerînê dikin. Emre Can demîr anî ziman ku her tim rastî tacizkirina devkî tê.
Emre Can Demîr di 8ê Kanûna 2016an de hat girtin. Dadgehê ji doza li Emre Can Demîr hat vekirin, 50 caran cezayê muebetê lê birî. Emre Can Demîr piştî hat girtin şandin Girtîgeha Tîpa L a Antalyayê. Piştî demekê sirgûnî Girtîgeha Tîpa H a Eskîşehîrê kirin. Herî dawî di 5ê Kanûna 2024an de sirgûnî Girtîgeha Tîpa S a Kavakê ya Samsûnê kirin. Emre Can Demîr dema Sirgûnî Girtigeha Tîpa H a Eskîşehirê kirin, li wê girtîgehê girtiyên siyasi tune bûn û ew li korîdora ku girtiyên edlî lê dimîne bi cih kirin û li vê korîdorê her tim rastî gef û heqaretan hat. Ji ber ku li vê girtîgehê girtiyên siyasî tune bûn, Emre Can Demîr nikarîbû bi girtiyan re derkeve û nikare ji mafê xwe yê civakî sûdê bigire. Emre Can Demîr her tim di şertê tecrîdê de ma. Dema li Girtîgeha Tipa H a Eskîşehîrê ma ji bo wî sewqî girtîgeheke din bike, her tim serlêdan kir. Lê serlêdanên wî her tim hatin redkirin. Rêveberiya girtîgehê bi hinceta ‘Tenê Wezareta Dadê dikare pirsgirêka te çareser bike’ daxwazên wî heta Kanûnê qebûl kir. Emre Can Demîr piştî ew di 5ê Kanûna 2024an de sewqî Girtîgeha Tîpa S a Kavakê ya Samsûnê kirin dîsa zext û tundiya li ser wî berdewam kir. Emre Can Demîr bi rêya malbatê der barê rewşa xwe de agahî parve kirin û anî ziman ku rastî tundî û gefan tê.
‘Girtiyên edlî gefan li wî dixwin’
Emre Can Demîr di hevdîtina bi malbatê de agahî da û diyar kir ku dema ew sewqî girtîgeha Tîpa S a Kavakê ya Samsûnê kirin di lêgerîna tazî re derbas kirin û wiha got: “Min lêgrîna tazî qebûl nekir. Ji ber vê yekê li min doz vekirin.” Emre Can Demîr anî ziman ku her rojê 3-4 caran bi ser odeya wî de digirin û lêgerîn dikin û ev agahî bi malbatê re parve kirin: “Min di korîdora girtiyên edlî de digirin. Her tim rastî tacizkirina devkî û gefan têm. Ji bo min bibin nava girtiyên siyasî min gelek caran daxwazname dan. Lê daxwaza min red dikin. Min tu carî ev rewş qebûl nekir û ez qebûl jî nakim. Heke ev zor û zextên girtigehê de pêk tên dawî nebin, ez ê bi dest greva birçîbûnê bikim û divê hemû kes li dijî wan polîtîkan dengê xwe bilind bike.”
