* Bi înisiyatîfa Serokê MHPê Devlet Bahçelî û Rêberê Gelê Kurd Abdullah Ocalan pêvajoya Aştî û Civaka Demokratîk dest pê kir û ji gava ewil heya niha 11 meh derbas bûn. Ne siyaseta înkarê bi dawî bû, ne jî tecrîd rabû. Aştî ne bi desthilatê, dê birêxistinkirina civakî ve mîsoger bibe.
* Berdana Mehmet Salîh Erden ku 30 sal in di girtîgehê de ye înfaza wî cara 3yemîn hat dirêjkirin. Dadgehê biryara lîjneyê şaş dît û îtîraza parêzeran qebûl kir. Lê tevî vê yekê jî Lîjneya Çavderiyê biryara dadgehê binpê kir û înfaza Erden taloqî 10ê Adara 2026an kir.
* Abdullah Ay ku di sala 1994an de gundê wan şewitî ye û 29 sal in li Enqereyê dijî hesreta xwe ya ji bo vegera gund anî ziman û xwest dewlet bi sûcên xwe re hevrû bibe, lêborînê bixwaze û ji bo kêsên dixwazin vegerin gundên xwe derfetan ava bike.
* Li Şirnexê ji bo ku bêtir xweza were talankirin hin derdor di nava hewldana avakirina tesîsa dînamîtan de ne. Ajansa me xwe gihand belgeyên serlêdana vekirina tesîsa dînamîtan.
* Derhênera belgefîlma “Stêrka Li Ser Xetê” Bêrîvan Sarûhan derbarê naveroka belgefîlma xwe de ji ajansa me re axivî û diyar kir ku Festîvala FîlmAmedê ji pêşerojê re hafizayekê dihêle.
* Rapora ku ji aliyê Baroya Amedê, Şaxa OHDê ya Amedê û TUAYDERa Amedê ve têkildarî binpêkirinên mafên mirovan ên derbarê girtîgehên herêmê de hatiye amade kirin dê li avahiya Baroya Amedê bê eşkerekirin. (11.00)
* Festîvala Belgefîlman a FîlmAmedê ya 9emîn ku îsal bi tema û dirûşma “Reh… Li dora agir rastiyên efsûnî…” tê lidarxistin dê îro bi nîşandana belgefîlma “Li ber siya spîndarê” bi dawî bibe û merasîma xelatê bê lidarxistin. (12.00-19.30)
