* Parlamenterê DEM Partiyê yê Rihayê Omer Ocalan têkildarî hevdîtina bi Rêberê Gelê Kurd Abdullah Ocalan re anî ziman ku wan di hevdîtinê de li ser pêvajo, bîranînên zarokatiyê û gelek xalan axivîne û got: “Serokatî bêtir li ser rêxistinkirina civakê rawestiya û got bê ked tiştek nabe. Bi kedê her tişt tê bidestxistin.”
* Serokê TOD-DERÊ Mûrat Kan bal kişand ser biryara Rêveberiya Tevgera Azadiyê ya Kurd a vekişînê û wiha got: “Tevgera Azadiyê ya Kurd di vê mijarê de berpirsyartiya dikeve ser milê wê pêk anî û gavên cidî avêtin. Divê dewlet jî berpirsyartiya xwe bi cih bîne.”
* Şeva borî li navçeya Sûrê, komek ji nêzî 20 mêran ên rihên wan dirêj, bieba û bikêran êrîşî mala ku sê jin lê dimînin kirin. Jinan li hemberî vê koma ku roja din li kolanê jî êrişî wan kir diyar kirin ku ev tişteke ku azadiya jinan asteng dike ye û destnîşan kirin ku dê li dijî van êrişan li ber xwe bidin.
* Serokê Şaxa Egîtîm Senê yê Hejmara 1emîn a Amedê Farûk Ercan têkildarî budçeya Wezareta Perwerdehiyê ya Neteweyî (MEB) diyar kir ku budçeya îsal jî dê ji sermayê re bê veqetandin û got: “Divê desthilat budçeyê ji bo gel, aştî û çareseriyê xerc bike.”
* Hevserokê Giştî yê DEM Partiyê Tuncer Bakirhan, dê di civîna koma partiya xwe ya li Meclisê de dêkildarî geşedanên dawî nirxandinê bike. (12.45)
* Sazî û dezgehên li Amedê dê bi pêşengtiya Platforma Şiyar Be de li dijî hişbir û fihûşê li ber Roj Dem Kafe ya li Semta Ofîsê ya navçeya Yenîşehîrê daxuyaniyê bidin. (11.00)
* Heman sazî û dezgeh dû re dê bi armanca piştevaniya bi sê jinên ku ji aliyê kesên bi rih û bieba ve hatine derbkirin re li ber Mizgefta Nebî ya li navçeya Sûrê daxuyaniyê bidin çapemeniyê (12.30)
