Şandeyek ji Bakurê Kurdistanê ku ji parlementerên DEM Partî û Hevserokê Giştî yê DBPê Keskîn Bayindir pêk tê, li Silêmaniyê bi armanca sersaxiyê ya ji ber şehîdxistina Rojnamevan Azîz Koyluoglu serdana navenda Ajansa Rojnewsê kir.
Şandeya ji Bakurê Kurdistanê bi armanca sersaxiyê serdana navenda ajansa Rojnews ya li Silêmaniyê kir. Şande ji Hevserokê DBPê Keskîn Bayindir, Hevberdevkê Komîsyona Têkiliyên Derve ya DEM Partiyê Berdan Ozturk û Parlamentera DEM Partî Gulcan Kaçmaz Sayyîgît pêk hat. Li ser navê şandeyê Keskîn Bayindir sersaxî ji xebatkarên çapemeniya azad a li Başûrê Kurdistan û parçeyên din ên Kurdistanê re xwest û wiha got: “Em piştrastin ku wê ragihandina azad şehîdbûna rêhevalên xwe bike prensîba karên xwe û baştir rastiyan ragihînin.”
Keskîn Bayindir da zanîn ku giringiya karê ragihandina azad zêde ye û got: “Ragihandina azad di hemû demên zehmet de hewldanên xwe yên ji bo ragihandina rastiyan û mijarên netewî berdewam kiriye.”
