Şandeya Îmraliyê ya DEM Partiyê serê sibehê bi Serokwezîrê Herêma Kurdistanê Mesrûr Barzanî re hevdîtin kir. Hevdîtinên Şandeya Îmraliyê ya DEM Partî, KCD û DBPê ya li Herêma Federe ya Kurdistanê berdewamin.
Şandeya ku ji nûnerên DEM Partî, DBP, KCDê pêk tê, bi Serokwezîrê Herêma Kurdistanê Mesrûr Barzanî re hevdîtin kir. Hevdîtin, ji çapemeniyê re girtî dest pê kir. Li gorî agahiyên nûçeya Rojnewsê Şandeya DEM Partiyê ya Îmraliyê ji bo bi rayedarên PDK û YNKê re hevdîtinan pêk bîne û peyamên Rêberê Gelê Kurd Abdullah Ocalan bigihîne, di 15ê Sibatê de serdana Başûrê Kurdistanê kir. Şande di 16ê Sibatê saet 10:00an de li navçeya Pîrman ya Hewlêrê bi serokê PDKê Mesûd Barzanî re civiya û civîna bi Mesûd Barzanî re saetek 45 kêliyan dewam kir. Di heman çarçoveya bernameya şandeyê ya serdanan de, şande di 17ê Sibatê de jî bi serokê Herêma Kurdistanê Nêçîrvan Barzanî re civiya. Duh jî şandeya Îmraliyê li Silêmaniyê bi serokê YNKê Bafil Talebanî, cîgirê serokwezîrê Herêma Kurdistanê Qubat Talebanî û Endama Mekteb Siyasî ya YNK’ê Şanaz Îbrahîm Ehmed re civiya bû.
Şandeyê îro jî bi Serokwezîrê Herêma Federe ya Kurdistanê Mesrûr Barzanî re pêk anî.
