Şaredariya Navçaya Rezan a Amedê rapora salekê aşkere kir. Hevşaredarên Rêzanê Leyla Ayaz û Sîraç Çelîk bi boneya xebata salekê bi raya giştî re parve bikin û binirxînin, civîna çapemeniyê li dar xist.
Hevşaredarên Şaredariya Rezan a Amedê bi boneya rapora salakê bi raya giştî re parve bikin civîna çapemeniyê pêk anî. Hevşarêdaran di civînê de diyar kir ku dema hatin ser kar li gorî politîkayên partiya xwe ya rêveberiya heremî şarêdariyê ji nûve rêxistin kir.
Ewil Leyla Ayaz diyar kir ku ew ji aliyê gel ve hatin hilbijartin û got: “Berî hilbijartinê yên ku ji sedî 20 ray girtîn dest danîn ser şaredariyê û şarêdarî bi rêve dibir. Di hilbijartinê de gel bi dengekî zêde em hilbijartin. Em bi dengê gel hatin hilbijartin.”
Me di salekê de çi kir?
Ji bo teslimîyata wekhev me dest bi xebatên xwe kir û saziyên jinan çalak kir. Navendên me yên Zarok û Malbatên Solîn û Narîn, Navenda Jinan a Kardelenê, Navenda Bagerê bi awayekî berfireh xebatên xwe ji bo jin û zarokan didomînin û Navenda Hevgirtinê ya Rojîn Kabaîşê jî lê zêde dikin. Me li dijî şideta li ser jinê xebatên xweparastinê li dar xist. Me di vê pêvajoyê de 151 semîner, serdana 14 taxan, serdana 7 gundan, 4 civînên jinan û serdana 545 malan kir.
Gerînenda Karê Tenduristiyê
Em modelê tenduristiyê ji nû ve çêdikin. Rêveberiya Xizmetên Tenduristiyê bi vê polîtîkayê hewl dide ku li hemû tax gund navendê xizmeta tenduristiyê bide gel. Li 5 gundan kontrola tenduristiyê hate kirin: Di van kontrolan de bi giştî xizmeta Hezar û 50 kesan hate kirin. Di salekê de 27 semîner hatin lidarxistin. Bi armanca çêkirina qadên tendurist ên civakî û çandî, ji bo ciwanan, me Navenda Ciwanan a Rezan vekir.
Gerînenda Karên Zanistî
Me ji bo xizmeta herî baş armanc kir ku çavkaniyên herî baş bi kar bînin. Ji ber ku em dibînin û polîtîkayên me yên şaredarîya ekolojîk, me polîtîkayên xizmetê yên ku ne tenê li ser mirovan e, lê li ser hemû tiştên zindî ye, qebûl kirin. Me ji bo baxçê spî, cihên kesktir dest bi çalakîyan kir.
Me li gundan 4 hezar darên nû belavkirin û li parkan 993 dar çandin. Rêveberiya me bi polîtîkayên xwe yên şaredariyê yên civakî û gelperwerî li navçeyê bi awayekî wekhevkarî piştgiriya hemî welatiyên re alîkarî da. Me di salekê de ji Hezar û 27 malbat û 2694 zarok ji wan 3718 kesan re destek da.
Em çawa bi serketin
Tevî rewşa ku ne baş, me li wir dîtibû, me dîsa jî karî van xizmetan pêk bîne. Piştgiriya gelê me ji me re bû pêşeng û rêber. Tevî ku em rastî astengiyên li pêşberî me hatin û her wiha destdirêjiya qayyumê, me bi siyaseteke zelal û realîst a çareseriyê û xizmet ev serkeftinê bidest xist.
‘Em ê di mijara maddeyên hişbirinê de serbikevin’
Hevşaredar Sîraç Çelîk jî li ser pirsa diziya Qeyûm diyar kir ku peymana qeyûm û peymanek xapînok bû û got: “Li hin parkan qeyûm dikan avakiriye. Ew dikan bê pere daye alîgirê xwe. Di wê peymanê de jî hatine gotin şarêdarî peymanê xirabikê yê 400-500 hezar dolar pere bide dikandar. Me ev yek tespît kir û doz vekir. Kemasiya Rezanê ya sereke bikaranîna bikaranîna hişberî yê. Em dixwazin bi hevkariya gelê xwe di mijara maddeyên hişbirinê de serbikevin.”
Leyla Ayaz da zanîn ku deynê şarêdariyê 600 milyon tl ye û wiha axivî: “Deynê qeyûm çêkirî gelek zêde ye. Em hewl didin ku mijara meaş bixin rêzê. Heta ku karkêren me bi temamî meaşê xwe nestinê em hevşarêdar û endamên meclisê meaşê xwe nastinin. Di nava çend mehan de em ê vê rewşê baş bikin.”
