Endamê Şandeya DEM Partî Sirri Süreyya Onder ku piştî 18 rojên li nexweşxaneyê îro jiyana xwe ji dest da sibê dê seat di 11.00an de li AKMê ya Taksîmê were bibîranîn û paşê cenazeyê wî bibin goristanê.
Endamê Şandeya Partiya Wekhevî û Demokrasiyê ya Gelan (DEM Partî) ya Îmraliyê û Serokwekîlê Meclisê Sirri Sureyya Onder ê ku krîza dil derbas kiribû, piştî 18 rojan li nexweşxaneyê Florence Nightingale îro saet dane êvarê jiyana xwe ji dest da. Piştî Sirri Sureyya Onder jiyana xwe ji dest da bi hezaran kes hatin ber nexwexaneyê. Hevserokên Giştî yên DEM Partiyê Tuncer Bakirhan û Tulay Hatimogûllari, Hevserokên Giştî yên DBPê Keskîn Bayindir û Çîgdem Kiliçgûn Uçar, parlamenterên DEM Partiyê piştî nexweşxaneyê derbasî Navenda Çandê ya Nazim Hikmet ku li navçeya Şîşliyeyê bûn. Li vir şîn hat hat danîn û bi hezaran kes hatin ver serdana DEM Partiyê.
Serokwekîlên Koma DEM Partiyê Gulistan Kiliç Koçyîgît û Sezaî Temellî li Navenda Çandê daxuyanî dan. Gulistan Kiliç Koçyigît ewilî axivî û diyar kir ku sibê seat di 11.00an an de li Navenda Çandê ya Ataturkê (AKM) ya li Taksîmê bernameya bîranînê were lidarxistin û got: “Em nikarin vê êşe bigotinan bînin ziman. Em bang li hemû Stenboliyan dikin ku werin em bi hev re Sirri Sureyya Onder bi bîr bînin. Piştî bîranînê jî wê wecîbeyên olî bên kirin. Piştre jî cenaze wê li Goristana Zîncîrlîkuyuyê were definkirin. Êşa me pir mezin e.”
‘Têkoşîna wî wê bidome’
Sezaî Temelî jî bi lêv kir Sirri Sureyya Onder kedkarê aştiyê bû û wiha got: “Kedeke mezin ji bo aştiyê da. 18 rojan li nexweşxaneyê li ber xwe da. Îro jî jiyana xwe ji dest da. Em pir xemgîn in. Êşa me mezin e. Têkoşîna aştiyê da. Têkoşîna wî wê bidome. Em bang li hemû Stenboliyan dikin ku wê sibê werin xwedî li aştiyê derbikevin. Bi hev re bin. Em bi hev re xeyalên Sırrı Sureyya Onder bicih bînin.”
