Hevseroka Giştî ya DEM Partiyê Tulay Hatîmogullari di 5emîn Kongreya Asayî ya rêxistina DEM Partiya Edeneyê de axivî û got: ” Aştî ji bo me ne taktîkek e, lê stratejiya bingehîn e.”
Rêxistina DEM Partiyê ya Edeneyê 5emîn kongreya xwe ya asayî li dar dixe. Hevseroka Giştî ya DEM Partiyê Tulay Hatîmogullari, parlamenterên DEM Partiyê yên li herêmê, hevserok û rêveberên partiyên siyasî, nûnerên saziyên sivîl û gelek welatî tevlî kongreyê bûn.
Tulay Hatîmogullari bi Kurmancî, Erebî û Tirkî xêrhatina beşdaran xwest, Dayikên Aştiyê, Hevserokên Giştî ya HDPê ya hatine girtin Fîgen Yuksekdag û Selahattîn Demîrtaş, Leyla Guven û Ayşe Gokkanê û hemûgirtiyên siyasî re silav û rêzên xwe şand, di şexsê Îsmaîl Agaç, Kadrî Bagdu, Metîn Alataş de hemû kesên di têkoşîna aştî û azadiyê de jiyana xwe ji dest dane bibîr anî. Tulay Hatîmogullari da zanîn ku li ser çar aliyê welat ji ber şerên didomin di gengeşiyê de ne û wiha got: “Şerê di navbera Îran û Îsraîlê tevî agirbestê berdeawam dike hêj jî ranewestiya ye. Şerê li van axan destpêkirine belavî welatên dorê jî bûne û metirsiya çekên nukleerê heye. Divê em têkoşîna aştiyê xurt bikin.
Jinan felsefeya ‘Jin, Jiyan, Azadî’ dan nasîn
Tulay Hatîmogullari bilêv kir ku ew di ferqê de ne ku desthilat li herêmê lîstikên qirêj didomin û wiha pê de çû: “Em dizanin ku jin taybetî li herêmê, li Rojava modeleke ku bibe mînaka Sûriyeyê ava kirin û têkoşîneke mezin dan û bedelên giran dan. Li Rojava xebatên jin li pêş dixin ne tenê ji bo Sûriyeyê, li dijî desthilata zilam têkoşîna tê dayîn gelek girîng e. Felsefeya “Jin, jiyan, azadî” li her kesê dan nasîn û heskirin.
‘Aştî ne hesabeke hilbijartin û siyasetê ye’
Di berdewama axaftina xwe de Tulay Hatîmogullari da zanîn ku Rêberê Gelê Kurd Abdullah Ocalan bangeke dîrokî kiriye û wiha got: “Em heya dawiyê li pey banga dîrokî ya Birêz Ocalan in û ji bo ev bang bi ser bikeve çi pêwîst be em ê pêk bînin. Ji bo me aştî ne gavek an jî taktîkek e. Aştî ji bo me ne hesaba siyasete û hilbijartinê ye. Ji bo me aştî stratejîk, jêveneger e. Divê Kurd, Tirk, Ereb û hemû neteweyên li vê heremê dijîn xwedî li banga Birêz Ocalan derkevin. Birêz Ocalan bi vê bangê xwest pirsgirêka Kurd ji şer ber bi avakirinekê ve guherand. Aştiya birûmet dermanê gelek xirabiyan e.
Tulay Hatîmogullari da zanîn ku ew wek gelên li herêmê li ser van axan bi awayeke xwişk-bira mezin bûne û wiha pê de çû: “Em di demeke wiha da di ferqa girîngiya aştiyê de ne. Bi sedan civînên gel, hevdîtin, serdan pêk anîn. Em dizanin ku dê aştî bi rehetî neyê û divê em xwe aştiyê bi hevkariyê rêxistin bikin. Taybetî têkoşîna kerker û kedkaran di vê pêvajoyê de gelek girîng e.”
’50 milyon welatî di bi sînora birçîbûnê de dijîn’
Tulay Hatîmogullari da zanîn ku li Tirkiyeyê li ser 80 milyon welatiyan welatî dijî û 50 milyonên van di bin sînorê birçîbûnê de dijîn û wiha dirêjî da axaftina xwe: “Karkarên madenê nîv tazî têkoşîna mafê xwe didin. Em hestên hevgirtinê bi wan re parve dikin. Zarok û xwendekar bi birçî diçin dibistanê. Çukurova ya warê çandiniyê ye, xizan maye. Jin û dayîk ji bermahiyan zebzeyê xirabûyî ji bo zarokên xwe dibin û li wan didin xwarin. Heke rewş li Çukurovayê rewş wiha be hun Stenbol, Enqere û Îzmîrê bifikirin.
‘Li şûna bersûcan kesên banga piştevaniyê kirine tên darizandin’
Di berfirehiya axaftina xwe de Tulay Hatîmogullari bal kişand ser komkujiya 10ê Cotmehê ya Enqereyê û wiha got: “Komkujiya herî hovane ya hatiye pêkanîn Komkujiya 10ê Cotmehê ye. Li şûna kujeran yên ji bo tevlibûna mitîngê bangê hatiye kirine piştî 11 salan derbarê wan de doz tê vekirin û tên darizandin.”
‘Gavên şênber bavêjin’
Tulay Hatîmogullari got ku wan gelek caran ji bo gavên pêwîst bên avêtin bang li rayedaran kirine û ev tişt gotin: “Hemû civak li benda gavên bên avêtin e. Gavên şênber bavêjin. Herwiha divê biryarên Dadgeha Mafên Mirovan a Ewropayê werin pêkanîn û ji bo van tu qanûn pêwîst nakin. Pêk neanîna van biryaran û amadenekirina qanûnan binpêkirina qanûnan bi xwe ye. Di çarçoveya biryarên DMMEyê divê hemû kesên hatine girtin divê werin berdan. Dîsa divê hevşaredarên hatine girtine werin berdan û qanûna qeyim divê were betalkirin û qeyimên hatine tayînkirin paş de werin kişandin.”
‘Jin û ciwan her li pêş bûn’
Tulay Hatîmogullari di dawiya axaftian xwe de da zanîn ku di avakirina jiyana sosyalîst de berprisyariya mezin dikeve li ser ciwanan û wiha got: “Jiyana sosyalîst dê li ser milê jin û ciwanan ava bibe. Herwiha jin herî zêde li pêvajoyê xwedî derketin. Her li qadan bûn û têkoşiyan. Her dema ku zehmetî zêde bûn û şer giran bû jin li her pêş bûn.
Piştî axaftina Tulay Hatîmogullari dirûşmên “Jin, jiyan, azadî” û “Ciwan fedaiyên Rêber Apo ne” berz kirin.
