Xeta jinê ya Zanîngeha Dîcleyê ji bo Rojîn Kabaîşê meşiyan û nerazîbûnên xwe anîn ziman.
Xeta Jinê ya Zanîngeha Dîcleyê ji bo lêpirsîna Rojîn Kabaîşê meşeke girseyî li dar xist. Baroya Amedê, Komeleya Huquqnasên Ji bo Azadiyê (OHD), Komeleya Mafê Mirovan (ÎHD), Meclîsa Ciwanan a DEM Partiyê û xwendekarên zanîngehê tevlî meşê bûn. Meş li ber Fakulteya Fenê heya ber Fakulteya Perwerdeyê berdewam kir. Di meşê de ji ber kêmasiya ewlehiya polîsan û rêveberên zanîngehê rê girtin û ewlehiya meşvanan de pirsgirek derket. Maşîn li ser xwendekar Bawer Aytekînê qelibî û Bawer Aytekîn ji serê xwe birîndar bû û rakirine nexweşxanê. Li dijî vê yekê xwendekarên zanîngehê bertekên xwe anîn ziman. Xwendekaran heta demekê meşiyan. Di meşê de xwendekarên zanîngehê pankarta “Rojînê xwe nekûştiye ev hatiye kuştin” vekirin. Bi dirûşmeyên “Jin Jiyan Azadî”, “Çi bi Serê Rojînê Hat”, “Bijî Berxwedana Jina” û “Rektor dê Hesab Bide me” berzkirin.
Piştî meşê xwendekara zanîngeha Dîcleyê Bêrîvan Îgîn daxuyanî da. Xwendekar Bêrîvan Îgîş bal kişand li ser laşê Rojîn Kabaîşê DNAyên du zilaman hatiye dîtin û sedama mirina wê nehatiye aşkere kirin hişmendiya faşîzmê ya ku li ser politîkaya qirkirina jinê û axaftina xwe de wiha got: “Carek din nîşan dide ku çawa edaleta tê rawestandin. Qetilkirina Rojîn Kabaîşê tenê ji bo Rojînê ne ji bo me jî êrîşa jiyanê ye. Em dizanin qetilkirina jina takekesî nîn e ev polîtîkayên pergala serdestiya mêran e. Her bêdengî, her bêcezayetî pêşiya qetlîyama jina vedike. Em îro ji bo Rojîn Kabaîşê kom bûn em jin dîsa berzdikin zanîngehên ku kirine cihê hişmendiya serdestiya mêran em jinên ciwan ji bo ku em perwerdehiya ewlehî avadikin tekoşîna me yê berdewambike.”
‘Sedema qetilkirina keça min diweşêrin’
Piştî axaftina Bêrîvan Îgîş dayîka Rojîn Kabaîş Aygul Kabaîş axivî û got: “Heya niha digotin Rojînê xwe kuştiye. Salekî derbas bû hêj jî sedema qetilkirina keça min diweşêrin. Heya ku yên keça min qetil kirine neyê eşkere kirin em ê berxwe bidin.”
