Hat ragihandin ku balafireke tanker a leşkerî ya Hêzên Hewayî ya Amerîkayê li Iraqê ket.
Li gorÎ nûçeya Reutersê Artêşa Amerîkayê bi daxuyaniyek aşkera kir ku balafira wan a tanker a KC-135 di endama qezayê de ket, Li gorî agahiyên destpêkê, bûyer di 12ê Adara 2026an de li rojavayê Iraqê qewimî. Hat ragihandin ku du balafirên tanker ên ku di hewayê de sotemenî didan balefiran yek ji wan ket, lê balafira din bi ewlehî vegeriya baregeha xwe.
Berpirsên Amerîkî ragihandin ku di balafira ketiye de gelek murettebat hebû û piştî bûyerê li herêmê operasyona lêgerîn û rizgarkirinê hatiye destpêkirin. Derbarê kesên di balefirê de ne hêj tu nehatin bidestxistin.
Di nirxandinên destpêkê de, berpirsan ragihandin ku tu delîl tune ne ku nîşan bidin ba ka bûyer ji ber êrîşekê qewimiye yan na. Di heman demê de, hin komên milîtan ên alîgirê Îranê yên ku li herêmê çalak in, berpirsiyariya xistina balafirê girtin ser xwe. Ev îdia ji aliyê çavkaniyên serbixwe ve nehatiye piştrastkirin. Artêşa Amerîkayê ragihand ku lêpirsîna li ser bûyerê berdewam dike.
