Serokê Amerîkayê ji bo ku Kendava Hurmuzê ji nûve veke bang li mutefikên xwe kir ku koalîsyona keştiyên şer a ji bo Kendava Hurmuzê ava bike.
Di şerê Amerîka-Îsraîl û Îranê de merhela herî kirîtîk girtina Kendava Hurmuzê ye. Îran piştî ji hewa ve têk çû Kendava Hurmuzê jî ji çûnehata keştiyên neftê re girt. Qutkirina nevftê aboriya cîhanê hejand. Serokê Amerîkayê ji bo Kendava Hurmuzê ji nûve ji çûnehata neftê re veke bang li welatên ku ji vê encamê xesar dibînin kir û ji wan xwest ku li dijî Îranê Koalîsyona Keştiyên Şer çêbikin.
Serokê Amerîkayê Donald Trump li ser avakirina Koalîsyona Keştiyên şer ya li dijî Îranê daxuyanî da. Trump di banga xwe de xwest ku welatên ji girtina Kendava Hurmuzê xesarê dibînin û di bin gefên moşek û dronên Îranê de ne li dijî Îranê hevkariyê bikin û ji bo vê jî Koalîsyona Keştiyên Şer a li dijî Îranê ava bikin. Trump hewl dide ku bi vê Koalîsyonê ji nûve Kendava Hurmuzê ji çûnehata keştiyan re veke.
Îran: Divê YME her sê benderên xwe yê sereke vala bike
Îranê êriş û gefên xwe yên li dijî Welatên Erebî yên Kendavê zêde kir. Rasterast bang kir ku Yekîtiya Mîritiyên Ereb (YME), Erebistana Siûdî, Kuweyt û Behreyn hin bender û belafirgehên xwe valakin. Îranê bi rêya medyaya xwe ya fermî got ku benderên sereke yên YMEyê neyên valakirin dê bi moşek û dronan êrişê wan deran bikin.
Piştî vê hişyarî û gefa Îranê êrişên moşek û dronan zêdetir kir. Erebistana Siûdî diyar kir ku îşev herî kêm 60 moşek û dronên Îranê li ser esmanê Siûdî hatine xistin. Êrişa li ser Balafirgeha Navneteweyî ya Dubaiyê jî rastî êrişa dronê hat û şewat derket. Rayedaran gotin ku şewat zû hat kontrolkirin û ti birîndarî çêne bûne.
Hê tu welatek ji bo avakirina Koalîsyonê bersiveke erênî nedaye Trump
Hê tu welatek bers nedaye banga Tramp. Lê şer û êrişên Îranê hin welatan neçar dike ku beşdarî şer bibin. Şer sînor nas nake û ji kontrolê derdikeve. Li gorî rayedarên wan welatan, di şer de li Îranê herî kêm hezar û 300 kes, li Lubnanê herî kêm 850 kes û li Îsraîlê 12 kes hatine kuştin. Herî kêm 13 endamên leşkerî yên Amerîkayê hatine kuştin, ku şeş ji wan hefteya borî li Iraqê di qezayeke balafirê de mirin. Zêdetirî 800 hezar kes ango nêzîkî ji heft kesan yek niştecihên Lubnanê ji cihên xwe hatine koçberkirin.
