Rehşan Demîrel a ku di Newroza 1992yan de li Kadîfekaleya Îzmîrê agir bera berdena xwe da û jiyana xwe ji dest da, li ser gora xwe ya li Nisêbînê hat bîranîn.
Ji bo Rehşan Demîrel a ku ji bo protestokirina êrîşên li ser pîrozbahiyên Newrozê di sala 1992yan de li Kadifekale ya Îzmîrê agir bera bedena xwe da, li navçeya Nisêbînê ya Mêredînê hat bibîranîn.
Bîranîna ku ji hêla MEBYA-DER ve li Goristana Hecace hat lidarxistin malbata Demîrel, nûnerên partiyên siyasî û rêxistinên civaka sivîl û gelek kesên din beşdar bûn. Girse bi dirûşmeya “Şehîd namirin” ber bi gorê ve meşiyan û gul danîn ser gora Rehşan Demîrel.
Piştî deqeyek rêzgirtinê dayika Demîrel, Emîne Demrel axivî û kesên ku di Komkujiya Helebceyê û di têkoşîna azadiyê de jiyana xwe ji dest dane bi bîr anî.
Emîne Demîrel wiha got, “Îro berpirsiyariya li ser jinan gelek e û divê bi cih bînin. Rêbertî pêşeng e, felsefe ye. Em tenê azadiya fîzîkî ya Rêbertiyê naxwazin. Divê her du baskên wî azad bin. Baskek wî gerîla ye, ya din jî girtîgeh in.”
Parlamenterê DEM Partiyê yê Mêrdînê Kamûran Tanhan jî diyar kir ku têkoşîna siyasî ya ku îro tê meşandin bi saya bedêlên giran ên di demên berê de hatine dayîn pêkan e û anî ziman ku ew ê têkoşîna demokrasî û aştiyê bidomînin.
Piştî gul danîn ser gora Rehşan, bîranîn bi dawî bû.
