9 ciwanên ji ber tevlî pîrozbahiyên Newrozê yên Sêrt û Êlihê bûbûn hatibûn binçavkirin, îro derxistin edliyeyê. 8 ciwan bi qedexeya derketina derveyî welat hatin berdan, ciwanek jî ji ber dozeke edlî hate girtin.
Li Sêrt û Êlihê ji ber tevlîbûna pîrozbahiyên Newrozê bi ser malan ciwanan de hatin girtin û 9 ciwan hatin biçavkirin. Ciwanên ku bi angaşta ku ”propagandayên rêxistinê kirine” hatibûn binçavkirin, li midûriyeta polîsan rastî tundî û heqareta polîsan hatin û dema binçavkirina wan hatibû dirêjkirin.
Ciwanên bi navê Yûsûf Îslam Demîr, Halîl Kizilçinar, Ahmet Poge, Halîl Olmaz, Yûsûf Aydin, Diyar Yarma û Vedat Ozer ên li Êlihê hatibûn binçavkirin îro derxistin edliyeyê. Her 7 ciwan piştî îfadeya li dadgeriya nobedar bi qedexeya derketina derveyî welat hatin berdan
Ciwanên bi navê M. Salîh Aslan û Fettah Çalkin ên li Sêrtê hatibûn binçavkirin, îro derxistin edliyeyê. M. Alî Aslan piştî îfadeya li dadgeriya nobedar bi qedexeya derketina derveyî welat hat berdan. Fettah Çalkin ji ber dozeke edlî hat girtin û wî şandin girtîgehê.
