Serokê DYAyê Donald Trump dê îro têkildarî şerê bi Îranê re bangî Amerîkayiyan bike. Tê payîn ku Trump biryara DYAyê ya derbarê şerê bi Îranê re ragihîne.
Serokê Dewletên Yekbûyî yên Amerîkayê (DYA) Donald Trump dê îro bangi Amerîkayiyan bike. Ev demek e Trump îdîa dike ku rejîma Îranê guherandine û hemû hêzên wan ên deryayî û bejahî tune kirine. Li gorî pisporên ewlehiyê Trump dê serkeftina xwe îlan bike û biryara DYAyê ya derbarê domandin an jî qedandina şerê Îranê de ragihîne. Trump duh li ser hesaba xwe ya dijîtal angaştibû ku dê di demek kin de dawî li şer bê.
Naveroka sereke şerê bi Îranê re ye
Ji Qesra Spî heta niha derbarê naveroka daxuyaniyê de agahî nehatin dayîn, lê li Washingtonê tê gotin ku naverok dê bi taybetî li ser siyaseta derve û ewlehiyê be. Tê payîn tevgera leşkerî ya Amerîkayê li Rojhilata Navîn û bi taybetî şerê Îranê re mijara sereke be. Operasyonên ku ji aliyê CENTCOMê ve tên meşandin û hereketên leşkerî li herêmê, nîşan didin ku Trump dikare girîngî bide mijara “ewlehiya neteweyî”.
Li gor lêkolîneran, di axaftina Trump de ev mijar dikarin li pêş bin: Stratejiya leşkerî û siyasî li dijî Îranê, rola hêzên Amerîkayê li herêmê û rêça operasyonan ewlehiya navxweyî û peyamên li ser “tirs û metirsiyê” DYAyê.
Trump dê bang li hevpeymanên xwe bike
Li gorî çavkaniyên Amerîkî Trump dê peyamên xwe ji bo Kongre û welatên hevpeyman jî ragihîne. Bi taybetî ji ber ku NATO û welatên Ewropayê tev li şerê di navbera Îsraîl-DYA û Îranê de nebûne Trmup nerazî ye. Tê payîn Trump bang li hevpeymanên xwe bike û vê nerazîbûna xwe bîne ziman.
Dê biryara şer çewa be
Lê tişta herî zêde tê meraqkirin ew e ku Trump dê ji şerê bi Îranê re rawestîne an bi domîne. Piraniya çavkanî û pisporan diyar dikin ku Trump dê serkeftina xwe ragihîne û şer heta astekê rawestîne. Lê kêm be jî hind dahurîner îdî dakin ku Trump dê biryara berdewamkirina şer ragihîne.
