Amedspora ku wê di hefteya 35emîn a Lîga 1emîn a TFFyê de li mala xwe mazûvaniya Umranyesporê bike, amadekariyên xwe yên ji bo lîstika krîtîk temam kirin. Lîstika ku di pêşbirka Super Lîgê de xwedî roleke diyarker e, wê îro saet di 20.00an de li Stadyûma Amedê bê lîstin.
Di antrenmana dawî de giranî dan taktîkê
Tîma kesk û sor antrenmana xwe ya dawî li Tesisên Şehmûs Ozer, di bin rêveberiya Dîrektorê Teknîkî Mesût Bakkal de pêk anî. Di xebatan de lîstikvan li ser organîzasyonên pasê, parastina gogê û varyasyonên topa sekinî hûr bûn. Her wiha hat zanîn ku heyeta teknîkî bi taybetî li ser lîstikên setê û analîza reqîb rawestiya ye.
Moral di asta herî jor de ye
Piştî îdmana dawî ya beriya maçê, hat dîtin ku moral û motivasyona lîstikvanan gelekî bilind e. Dema ku lîg ket 4 hefteyên dawî, ev maç hem ji bo armanca Amedsporê ya ketina Super Lîgê û hem jî ji bo hedefa Umranyesporê ya derketina rêzên jor, xwedî girîngiyeke mezin e. Tîma Amedsporê piştî xebatên xwe, ji bo serketinê li benda saeta lîstikê ye.
Li bajar kelecanî di asta jor de ye
Alîgirên Amedsporê jî li benda seata lîstikê ne. Li bajar ku hêj 4 hefte ji dawiya lîgê re heye, her dever bi pankartên serkeftinê ji Amedsporê re dixwazin hate xemilandin. Li tevahiya riyên bajar, kuçe û kolanan pankartên piştgiriyê balê dikişînin. Tevahiya bajar û bi taybetî alîgir bi temamî ketine atmosfera derketina Lîga Sûper.
Di 6 seatan de 30 hezar bilêd hatin firotin
Coş û kelecana lîstikê di firotina bilêdan de jî derket holê. Roja înê dest bi firotina bilêdên lîstika îro hate kirin. Lê piştî dest bi firotina bilêdan hate kirin di nav 6 seatan de zêdeyî 30 hezar bilêd hatin firotin. Ji ber vê yekê gelek alîgiran nekarî bilid bikirin.
Lîstik dê di Beîn Max û TRT Sporê de bi awayek zindî bê weşandin.
