Li Washingtonê Hewldana daxwaza sînordarkirina siyaseta şer ya Trump, di dengdana Senatoya Amerîkayê de bi dengên komarparêzan hate rawestandin.
Komarparêzên li Senatoya Amerîkayê, hewldana herî dawî ya ku armanc dikir ku siyaseta Serokê Amerîkayê Donald Trump ên di şerê Îranê de sînordar bike, pûç kirin. Ev biryar nîşan dide ku piştî şeş hefteyan ji destpêkirina şer, partiya Trump hîn jî bi biryardarî li pey polîtîkayên wî yên leşkerî radiweste.
Bi 52 dengên ‘Na’ pêşniyar hat redkirin
Senatoya Amerîkayê ji bo pêşnûmeya qanûnê ya derbarê “desthilatên şer” de dengdanek pêk anî. Di encamê de, bi 52 dengên “Na” li dijî 47 dengên “Erê”, biryar hat girtin ku pêşnûme neyê pêşxistin. Ev encam wekî serkeftineke siyasî ya Trump a li dijî Demokratên ku dixwestin operasyonên leşkerî kontrol bikin, hat nirxandin.
Piştgiriya tam ji bo polîtîkayên şer
Ev biryara Senatoyê di demekê ku Trump dorpêça deryayî (abluka) ya li ser Tengava Hurmuz daye destpêkirin û gefên giran li dijî binesaziya Îranê dixwe de hat girtin. Pisporên siyasî diyar dikin ku Komarparêzan bi vê gavê peyamek dan Tehranê û cîhanê ku Washington di mijara şer de di navxweyî de ne dabeşbûyî ye û Serok di biryarên xwe de serbest e.
Li Washingtonê dengê şer ji denge diplomasiye gurtir e
Li aliyê din, senatorên Demokrat û hinek Komarparêzên muxalîf hişyarî didin ku bêkontrolbûna Trump dikare bibe sedema karesateke mezintir û şer ber bi asteke nukleerî ve bibe. Lê belê, encama dengdanê nîşan da ku niha li Washingtonê dengê “şer” ji yê “dîplomasiyê” bilindtir e.
