Li Japonyayê bi pileya 7.4an erdhej çêbû. Piştî erdhejê hişyariya tsunamiyê hat kirin.
Li bakurê Japonyayê piştî erdheja bi pileya 7.4an, hişyariya tsunamiyê hate dayin. Hate ragihandin ku pêlên ku bilindahiya wan digihin 3 metreyan rabin.
Bangên rewşa lezgîn tên kirin
Ajansa Meteopolojiyê ya Japonyayê ragihand ku piştî erdhejê alarma tsunamiyê hatiye dayin. Erdhej bi dema herêmî saet di 16:53an de li Okyanûsa Pasîfîkê li peravên Iwateyê qewimî. Tokyo ku bi sedan kîlometreyî dûrî navenda erdhejê ye bi erdhejê hesiya û avahiyên bilind hejiya. Rayedaran gotin, pêlên tsunamiyê di demeke kurt de dibe ku bigihêje peravên bakur û pêl bi qasî 3 metreyî bilind bibe. Ajansa Metorolojiyê ya Japonyayê ji bo mirovên li herêmên peravê banga veguhestina bi lez kir.
Tê gotin seferên trêna bilez (Shinkansen) di navbera Tokyo û Shin-Aomori de hatin rawestandin. Erdhej ewqas bi hêz bû ku li paytext Tokyoyê jî avahî hejiyan. Heta niha nûçeyeke fermî ya li ser mirin an birîndarbûna mirovan nehatiye belavkirin, lê tîmên rizgarkirinê di amadebaşiyê de ne.
