11emîn Mihrîcana Şanoyê ya Navneteweyî ya Amedê di roja 4emîn de bi panel û lîstikan berdewam kir.
11emîn Mihrîcana Şanoyê ya Navneteweyî ya Amedê, ya ku ji aliyê Şaredariya Bajarê Mezin a Amedê ve bi dirûşma “Ji bo aştiyê diyalog” tê lidarxistin, di roja 4emîn de berdewam kir. Bername îro panela bi navê “Bi rêbaza cuda çêkirina şanoyê” dest pê kir. Derhêner, lîstikvan û gelek kes tevli bernameyê bûn.
Derhênera şanoyê ya alman Gisela Hohne, di hevpeyvîna xwe ya bi sernavê “Bi rêbazeke cuda şanogerî” de, ezmûneke ku îlhamê dide temaşevanan pêşkêş kir. Gisela Hohne diyar kir ku beriya hilweşîna Dîwarê Berlînê, bi jidayikbûna kurê xwe yê bi navê Moritz ê bi sendroma Downê, jiyana wê guheriye. Gisela Hohne anî ziman ku her çend demekê ji hilberînê dûr ketiye jî, piştî ku potansiyela zarokên astengdar a li ser dikê keşf kiriye, dîsa berê xwe daye şanoyê.
Mêvana din a festîvalê derhênera Swîsreyî Anina Jendreyko bû. Di hevpeyvîna ku moderatoriya wê Rûgeş Kirici kir de, Jendreyko bi sernavê “Ji bo ku di şanoyê de desthilatdarî û tundî ji nû ve nehatin hilberandin, pêdivî bi nêrîna jina azad heye” ezmûnên xwe parve kirin.
Piştî panelê li ber deriyê ÇandAmedê lîstika bi navê “CM” ya ku derhêneriya wê Soran Hosseini, Sherzad Hassan Radha kirine bi zaravayê Soranî ya ku ji Rojhilatê Kurdistanê hat lîstin. Piştî lîstika “CM”yê lîstika bi navê “Palestine” ya ku derhêneriya wê Shaden Abu Elasal kiriye derket ser dikê. Temaşevanan di roja 4emîn de jî bi eleqeyek mezin beşdarî bernameyan bûn.
