Serokê Amerîkayê Donald Trump ji ber ku Elî Zeydî wekî Serokwezîrtiya Iraqê hate hilbijartin wî pîroz kir û bi fermî vexwend Qesra Spî ya Amerîkayê.
Nivîsîngeha Ragihandina Serokwezîrtiya Iraqê ragihand Elî Zeydî bi rêya telefonê peywendiyek bi Serokê DYAyê Donald Trump re kiriye. Hate ragihandin ku Trump ji ber hilbijartina Elî Zeydî ya serokwezîrtiya nû ya Iraqê wî pîroz kiriye. Hate diyarkirin ku Donald Trump diyar kiriye ku piştî karûbarên pêkanîna hikûmeta nû ya Iraqê Zeydî ji bo Qesra Spî ya Amerîkayê vexwendiye.
Li aliyê din hate ragihandin ku di peywendiya telefonî de herdu aliyan bal kişandine ser xurtkirina peywendiyên stratejîk yên di navbera Bexda û Washîngtonê de.
