Hat zanîn ku li Helebê bi dehan Kurd bê sedem ji aliyê komên paramîlîter ve hatine revandin û ew birine cihekî nediyar.
Li gorî nûçeya Ajansa Nûçeyan a Firatê (ANF) ku spartiye gelek çavkaniyên ji bajarê Helebê diyar kirine ku komên komên çekdar li derdoa taxên Şêxmeqsûd û Eşrefiyê yên Kurdan û li gelek ketinên bajarê Helebê bendên kontrolê yên gerok an jî demkî danîne.
Çavkaniyan da zanîn ku ew komên girêdayî komên paramîlîter bi navê “Emşat” ên bi ser dewleta Tirk ve û hin çavkaniyên din jî got ew kom girêdayî qaşo “Ewlehiya Giştî” ya desthilata Şamê ne.
Hin bendên kontrolê yên li ser rêya Şêxmeqsûd-Stasyona Bexdadê û rêya ber bi otostrada Ewarêd hatin şopandin.
Çavkaniyan anî ziman ku komên li ser bendên kontrolê erebeyên bi nimreyên Efrîn an jî taxên Şêxmeqsûd û Eşrefiyê ne tên sekinandin û kesên têde çi temen mezin an jî ciwan bin, tên revandin.
Hate diyarkirin ku heta niha herî kêm 40 welatî hatine revandin û bi giştî jî Kurd in. Çavkaniyan da zanîn ku dibe hejmara welatiyên revandî zêdetir be jî.
Hiqûqnas diyar dikin ku ev kiryar li gorî peymanên Neteweyên Yekbûyî (NY) ye û peymanên navneteweyî tên binpêkirin.
Wezareta Xezîneya Amerîkayê di sala 2023yan de, der barê sûcên li dijî welatiyên li Efrînê de, ceza li serçeteyên “Emşat” û “Hemzat” birîbûn.
