Şandeya DEM Partiyê ya Îmraliyê ji bo bi nûnerên PDK û YNKê re hevdîtinan pêk bîne çû Herêma Federal a Kurdistanê.
Şandeya DEM Partiyê ya Îmraliyê piştî ku di 28ê Kanûna 2024 û 22ê Çileya 2025an de bi Rêberê PKKê Abdullah Ocalan re hevdîtin kirin, serdanên xwe yên partiyan didomîne. Şandeya Îmraliyê ji bo hevdîtinan pêk bîne çû Herêma Federal a Kurdistanê. Parlamenterên DEM Partiyê Îmraliyê Pervîn Bûldan, Sirri Sakik, hevserokê DBPê Keskîn Bayindir, endamên Bûroya Hiqûqê ya Asrinê Ozgur Erol û Îbrahîm Bîlmez, hevberdevkê Komîsyona Têkiliyên Derve ya DEM Partiyê Berdan Ozturk, parlamenter Gulcan Kaçmaz Sayyîgît û Mehmet Kamaç cih digirin.
Şande li Deriyê Sînor ya Xabûrê li mêvanxaneya protokolê hatin pêşwazîkirin. Şandeyê piştre berê xwe da Hewlêrê. Şande dê sibê bi Serokê PDKê Mesûd Barzanî, Serokê Herêma Federal a Kurdistanê Nêçîrvan Barzanî re hevdîtinan bikin. Di hevdîtinê de dê têkildarî hevdîtinên li Îmraliyê agahî bên parvekirin, têkildarî pêvajoyê fikir û pêşniyar bên wergirtin. Tê payîn ku piştî hevdîtinê daxuyanî bê dayîn. Şande dê piştre berê xwe bide Silêmaniyê bi Serokê YNKê Bafil Talabanî, Kubat Talabanî û rayedarên YNKê re hevdîtinan pêk bîne.
