Seroka Konseya Navendî ya TTBê ya berê Şebnem Korur Fîncanci ku bi îdiaya “biçûkxistina dewletê û saziyên wê” dihat darizandin, beraet bû.
Seroka Konseya Navendî ya Yekitiya Bijîşkên Tirk (TTB) a berê û endama Desteya Rêveber a Weqfa Mafên Mirovan a Tirkiyeyê (TÎHV) Prof. Dr. Şebnem Korur Fîncanci bi îdiaya “Dewlet û saziyên dewletê biçûk xistiye” dihat darizandin. Danişîna sêyemîn a dozê li 69emîn Dadgeha Cezayên Giştî ya Stenbolê hat lidarxistin. Şebnem Korur Fîncanci û parêzera wê Oya Merîç Eyuboglû hincet nîşan dan û tev li nebûn. Serokê Giştî yê TÎHVê Metîn Bakkalci, Nûnera Stenbolê yê TÎHVê Umît Efe, Rêxistina Efûyê ya Navneteweyî, MLSA û gelek rojnamegeran danişînê şopandin.
Dozgerî di danişînê de got ku hêmayên sûc çênebûne û xwest biryara beraetê were dayin. Mutalaya xwe jî bi vê daxwazê amade kir.
Dadgehê jî di çarçoveya mutalaya dozgeriyê de tevgeriya û ji bo Şebnem Korur Fîncanci biryara beraetê da.
