Navenda Nûçeyan – Koçberiya ji kantona Efrîn-Şehba, Heleb û gundewarê Hemayê a ber bi bajarê Tebqayê ve dewam dike. Rêveberiya Xweser cih û hewcedariyên bingehîn ên koçberan bicih tîne.
Ji duh ve koçberiya xelkê ji kantona Efrîn-Şehba, Heleb û gundewarê Helebê ya ber bi kantona Tebqayê ve dewam dike.
Li gorî nûçeya Ajansa Nûçeyan a Hawarê (ANHA); koçber di deriyê El Bû Asî derbasî kantonê dibin ji aliyê saziyên ewlehî û xizmetguzarî yên Rêveberiya Xweser ve tên pêşwazîkirin.
Saziyên Rêveberiya Xweser ku serferber bûne, hewcedariyên koçberan ên hêwirîn-mayînê, xwarin, vexwarin, tenduristî û hwd. bi cih tînin.
Rêveberiya Xweseriya Demokratîk a Kantona Tebqayê cihên demkî ji bo koçberan amade kirin e, heya ku wan veguhêze navendên guncavtir.
Bi hezaran şêniyên kantona Efrîn-Şehbayê, şêniyên Heleb û gundewarên Hemayê ji ber êrişên çeteyên HTŞê û OSOyê koçî herêmên Rêveberiya Xweser dikin.
