Dayika Aştiyê Sakîne Arat a ku demek dirêj di nav têkoşîna azadiya Gelê Kurd de cih girt jiyana xwe ji dest da.
Dayika Aştiyê Sakîne Arat, demek dirêj di nav têkoşîna azadiya Gelê Kurd de cih girt şevê din jiyana xwe ji dest da. Dayika Sakîne ku temenê wê bi têkoşînê derbas bû, 7 zarokên wê jî di nava têkoşîna azadiyê de jiyana xwe ji dest dan. Sakîne Arat a 92 salî demek dirêj di nava xebatên Komeleya Mafên Mirovan de cih girt. Di heman demê de wekî Dayika Aştiyê di nava xebaten HADEP, DEHAP; HDPê de cih girt. Di sala 1984an de kurê wê Cemal Arat li Zindana Amedê ya Hejmar 5 di gireva birçîbûnê de jiyana xwe ji dest da.
Piştî Serhildana Şêx Seîd bavê Sakîne Arat mişextî Kutahyayê bû. Dayika Sakîne Arat di sala 1934an de li Kutahyayê ji dayik dibe. Piştî ku hikûmeta Partiya Demokrat efo derxist, malbata Arat vedigere Amedê. Di 17 saliya wê de wê bi kesê temen mezin re didin zewicandin. Her çend ewil zewacê qebûl nake jî taliya talî neçar dimîne ku zewacê qebûl bike. Piştî dizewice 10 zarok jêre çêdibin. 2 zarokên wê hîna biçûk in jiyina xwe ji dest dide. Di temenê xwe yê biçûk de hem dixebite û hem zarokan xwedî dike. 8 zarokan bi kedek zêde mezin dike.
Piştî darbeya 12ê Îlonê kurê wê Cemal Arat, ku ji doza PKKê dihat darizandin di gireva birçîbûnê ya 1984an de jiyana xwe ji dest dide. Kurê wê Tacettin û Murat tev li refên PKKê dibin û di şer de jiyana xwe ji dest dini. Keça wê Semra jî, ji ber dixwazin wê bi zorê bizewicînin di temenê 17 salî de întîhar dike. Di pêvajoya darbeyê de ji bo rê li pêşiya îşkenceya li zindanê bigire li gel dayikên din diçe Enqereyê û bi Serokwezîr Turgut Ozal re hevditinê dike. Lê daxwaza wan encam negire. Kurê wê Cemal Arat di gireva birçîbûnê de jiyana xwe ji dest dide. Li gel hemû zext û tundiyan Sakîne Arat têkoşîna aştiyê berdewam dike. Heta vî temenê xwe jî her dem jibo aştî û demokrasiyê ked da. Ji bo çareseriya pirsgirêka kurd bi Serokwezîrê demê Tayip Erdogan re jî hevdîtin kir.
