* Hevserokê KCDê Berdan Ozturk ê tev li Newroza Erxeniyê bû, êrişa li dijî gundê Berxbotanê ku ji heman malbatê 7 jê zarok 9 kes hatin kuştin, şermezar kir û got: “Berpirsyar kî be divê hesab bide gelên Kurd û Tirk û Rojhilata Navîn.”
* Hevberdevkê Komîteya Amadekariyê ya Newroza Wanê Husamettîn Kiziltaş banga tevlibûna Newrozê kir û diyar kir ku armanca wan ew e ku di vê Newrozê de banga Rêberê Gelê Kurd Abdullah Ocalan careke din dubare bikin.
* Hevseroka Odeya Esnafan a Koordinasyona TEV-DEMê Henîfe Muhamed destnîşan dike ku peymana di navbera HSDê û Hikûmeta demkî ya Şamê de hevîyekê dide gel. Henîfe bi gotina “Hemû civakên li Sûrî ji destûra demkî aciz e” bertek û nerazibûnên gel anî ziman.
* Bi sed hezaran şêniyên Efrînê ku di 18ê Adara 2018an de ji Efrînê koçî Şehbayê kirin û di 27ê Mijdara 2024an de jî ji Şehbayê koçî Tebqa û Reqqê kirin bi hevî û baweriya vegerin warê xwe dijîn.
* Pîrozbahiyên Cejna Newrozê dê li Colemêrg, Agirî, Qoser, Silopiya, Farqîn, Dihê, Dîgor, Çinarê bên lidarxistin. (10.00-17.00)
* Komîteya Amadekar a Newroza Amedê têkildarî amadekariyên Newroza dîrokî ya Amedê ku dê 21ê Adarê were pîrozkirin wê li avahiya DEM Partiyê daxuyanî bide çapemeniyê. (11.00)
