Hevseroka Giştî ya DEM Partiyê Tulay Hatîmogûllari di civîna koma partiya xwe de diyar kir ku bi milyonan daketin qadan û peyama aştî û demokrasiyê anîn ziman û gotin: “Bi milyonan piştgirî da banga Birêz Ocalan. Yên guh û çaên xwe ji vê bangê re bigirin dê pir mezin winda bikin.
Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogûllari li Meclisê di civîna koma partiya xwe de mijarên di rojevê de nirxand. Tulay Hatîmoullari, anî ziman ku bi milyon li qadan li banga sedsalê xwedî derketin û xwestin rêya aştiyê vekin û wiha got: “Li qadan bi milyonan kedkar, jin ciwan hebûn. Ez slavên xwe ji wan re dişinim. Di dîroka Tirkiyeyê de Newroza 2025an, Newroza herî tevlêbûn zêde bû. Peyamên ku girseyê da gelek girîng û bi wate bûn. Di vê Newrozê de hevî û bawerî zêde bû. Di vê Newrozê de daxwaza demokrasî û dealet derket pêş. Newroza 2025an gel li dora Agirê Newrozê li aştiyê xwedî derket. Dayik bi çarik û kitanên xwe yên spî derketin qadan û li aştiyê xwedî derketin.”
Tulay Hatîmogullarî anî ziman ku ec Newroz bû sembola biryar, vîn û têkoşîna bênavber û wiha got: “Ev Newroz bû remza têkoşîna dîrokî. Di vê Newrozê de milyon daketin qadan. Bi milyonan li qadan peyamên xwe zelal anîn ziman. Peyama hevpar a milyonan hebû. Diyar kirin ku piştgiriyê didin aştî û demokrasiyê û li pey peyama sedsalê ya Rêber Abdullah Ocalan in. Gotin daxwaza Abdullah Ocalan daxwaza wan e. Di vê Newrozê de daxwaza milyonan bi yek dengî derket holê. Kesên ku guh û çavên xwe ji vê bang û daxwazta gelê kurd re bigirin dê pir mezin winda bikin.”
