Navenda Nûçeyan – Li Wan û Stenbolê bi hezaran kesan serdana şîna ji bo endamê şandeya DEM Partî yê Îmraliyê Sirri Sureyya Onder hatibû danîn kirin.
Stenbol
Ji bo endamê Şandeya Partiya Wekhevî û Demokrasiyê ya Gelan (DEM Partî) Sirri Sureyya Onder ku piştî 18 rojên nexweşxaneyê di 3ê mehê de jiyana xwe ji dest da, DEM Partiyê li Navenda Nîşandanê ya Cemal Reşit Rey şîn danîn. Malbata Sirri Sureyya Onder, Hevserokên Giştî yên DEM Partî Tuncer Bakirhan, Tulay Hatîmogullari, hevserokên Giştî yên Partiya Herêmên Demokratîk (DBP) Çîgdem Kiliçgun Uçar, Keskîn Bayindir, endama Şandeya DEM Partî ya Îmraliyê Pervîn Buldan, siyasetmedarê Kurd Ahmet Turk û parlamenterên DEM Partî serdan qebûl kirin. Li cihê şîn hat danîn wêneyê Sirri Sureyya Onder hat daliqandin û find hatin pêxistin. Lenûskek jî hat danîn û kesên serdana şînê kirin hestên xwe di wê lenûskê dinivisîn. Her wiha rêxistinên DEM Partî yên Stenbol û navçeyên wê jî di şînê de amade bûn.
Di roja ewil a şînê Serokê Giştî yê Partiya DEVA Alî Babacan yek jî yên ewilî hatin şînê bû. Komeleyên Elewiyan, endam û nûnerên partiyên siyasî, hunermend, Parêzerên Buroya Hiqûqê ya Asrin, Meclîsa Dayikên Aştiyê, Komeleyên feylesefevanan, TMMOB, siyasetmedara Kurd Leyla Zana, û gelek kesan serdana şînê kirin.
Her wiha li welat û derveyî welat jî gelek kesan ji bo Sirri Sureyya Onder peyamên sersaxiyê şandin.
Wan
Bi hezaran gelê wanê şîna Sirri Sureyya Onder ya li Wanê hatiye dayîn ziyaret kirin û ji bo hemû şehîdên aştî û demokrasiyê dûa xwendin. Partiya Wekhevî û Demokrasiyê ya Gelan (DEM Partî) bi boneya wefata parlementerê xwe û Endamê Şandeya Îmraliyê Sirri Sureyya Onder li gelek bajaran şîn dana. Rêveberiya DEM Partî ya Wanê jî li nav baxçeyê avahiya xwe ya navçeya Rêya Armûşê şîn dana û şîna Onder ji aliyê gel ve bi girseyî tê ziyaretkirin. Komeleya Rojnamegeran a Dîcle Firatê (DFG) Nûnertiya Wanê û Komeleya Rojnamegên Jin a Mezopotamyayê (MKG), Komeleya Hiqûqnasên ji Bo Azadiyê (OHD) ya Şaxa Wanê, Qeşeyê Dêra Navneteweyî ya Wanê Mûharrem Kavak jî serdana şîna Onder kirin. Gelê Wanê eleqeyeke zêde nîşanê şîna Onder didin û bi dûayan Onder û hemû şehîdên aştî û demokrasiyê bi bîr tînin.
Mexmûr
Li Wargeha Mexmûrê Endamê Şandeya Îmraliyê ya DEM Partiyê û Serokwekîlê Meclisa Tirkiyeyê Sirri Sureyya Onder bi merasîmekê girseyî bi bîr anî.
Mêrdîn
Şaredariya DEM Partiyê ya navçeya Şemrex a Mêrdînê, li ser daxwaza gel navê Sirri Sureyya Onder li navenda çandê ya ku nû hatiye çêkirin, kir. Gelê Şemrexê qeleqeyek mezin nîşanî civîna meha Gulanê ya şaredariyê ku li navenda navçeyê hate lidarxistin, da. Civîn bi deqeyek rêzgirtina ji bo endamê Şandeya Îmraliyê ya DEM Partiyê Onder yê ku jiyana xwe ji dest da, destpê kir.
