Amed – Saziyên Civakî û partiyên siyasî li avahiya DEM Partiyê ya Amedê ji bo Alî Haydar Kaytan û Riza Altun bernameya bîranînê pêk anîn. Kesên ku tev li bîranînê bûn hestên xwe li lênûska bîranînê nivîsandin û diyar kirin ku ew ê şopdarên heqîqetê bin.
Partiya Karkerên Kurdistanê di 12ê Gulanê de encamnameya kongreya xwe ya 12mîn eşkere kir. Di kongreyê de şehadeta 2 pêşeng û damezrînerên PKKê Alî Haydar Kaytan û Riza Altûn ragihand. Kongre diyarî Alî Haydar Kaytan û Riza Altûn kirin. Piştî daxuyaniya PKKê, pêşeng û sazumankarê PKKê Alî Haydar Kaytan û Riza Altun li Enqere, Dêrsim, Wan, Amed, gelek bajarên Kurdistan, Tirkiye û ewropayê bi girseyî hatin bibîranîn. Di bîranînan de ji bo wan lênûsk hatin vekirin. Kesên beşdarî bîraninan bûn li lênûskên ji bo wan hatin vekirin hest û ramanên xwe nivîsandin. Kesên hest û ramanên xwe nivîsandin, girêdana xwe ya bi fikr û felsefeya wan re anîn ziman.
Li Amedê jî saziyên civakî û partiyên siyasî ji bo her du pêşengan bernameya bîranîn li dar xistin. Ji 7 salî heta 70 salî tev li bîranînê bûn. Kesên tev li bîranîna Alî Haydar Kaytan û Riza Altun bûn, li lênûska bîranînê hestên xwe nivîsandin. Zarokê 8 salî K.T, di lênûska bîranîna de hestê xwe bi gotina “Ez gelek hes ji we dikim. Em ê aştî û rojên xweş wekî ku we şanî me kiriye em ê avabikin.” anî ziman.
Xebatakarên Sînemaya azad û şoreşger jî bi nîşeya “Em deyndarên we, têkoşîna û keda we ne. Em ê her şopdarên rêya we ya heqîqêtê bin.”
Endamekî Meclisa Ciwanan a DEM Partiyê di lênûskê de hestê xwe wiha nivîsand: “Yê ku gotiyê Bengisu tu yî û ez li te digerim, bi rêzdarî.”
Endamê Qada Kedê ya Şirnexê jî hestê xwe wiha nivîsand: “Yê ku di berxwedana azadiya Kurdistanê de bûne sembole rastiyê heqîqet û jiyanêke bi rûmet em wan bibîr tînin. Di şexsê hevreyên Rêbertî Şehîd Alî Haydar Kaytan û Riza Altun de em tevahiya şehîden xwe bi bîr tînin û wan ji bîr nakin. Em soz dinin ku em ê xeyalên wan zindî bikin. Em tu carî wan ji bîr nakin.”
Welatiya bi navê M. jî nîşeya “Hemû jin, zarok, mêr, dar û daristanên li Kurdîstanê bi keda ku we daye li rastiya xwe vegeriyan. Wateya ku we li Kurdsitanê pêş xist, dê li hemû Rojhilata Navîn û cihanê belav bibe. Wek jinên ku li ser keda we daye, bi rastiya xwe hesiyanê, dê ji bo pêkanîna xeyalên we tim têbikoşin.”
Welatiya bi navê M.Y jî “Şehîden azadiyê û heqîqêtê Alî Haydar Kaytan û Riza Altun bi dil û can bi bîr tînim. Rêya we rêya me ye. Berxwedana we berxwedana me ye. Ev lênûsk têra hestên mi nakin. Em we ji bîr nakin.” nivîsand.
