* Bi avabûna Komara Tirkiyeyê re gelê Kurd û zimanê xwe tune hatin hesibandin. Bi qedexekirina zimanê Kurdî û guherandina navên gund, çiya, çem û zozanan xwestin Kurdan bê ziman û bêwar bihêlin. Tevî ku ev polîtîka sed sal in bi ser neket jî lê polîtîkaya bişaftinê de dîsa israr tê kirin.
* 11 sal berê di 3ê Tebaxa 2014an de DAIŞê bi peymana di navbera Tirkiye Iraq û Hewlerê de êrîşî Şengalê kir û komkujî pêk anî. Di êrîşê de 2 hezar û 213 êzidî hatin kuştin. Ev komkujî wekî Fermana 74an a li dijî êzidiyên Şengalê hat pênasekirin.
* Gundê Xaçekê bi ser navçeya Pîranê ve ye û di sed salên dawî de 3 caran hatiye şewitandin û hilweşandin. Ji şêniyên gundê Xaçekê Ramazan Ari diyar kir ku gundê Xaçekê mîna bihuştê ye û got: “Em hêvîdarin ku dê aştî pêk were û em vegerin gundê xwe.”
* Meclîsa Ekolojiyê dê li Zozanê Hesendînê ya li Pasûrê li dijî madenê daxuyanî bide. (12.00)
KİRMANCKÎ
* Endama Komala Xoza yê Munzurî Hatun Esene seba wayîr vejîyayîşê xoza veng da va: “Dewlete 38î de Welat kerd tal, ne vinet 94î de ancîna welatê ma kerd tal. Hetanu nika şarê Dêrsimî zaf hêşîrîye, barkerdenê, kîştene, tewer kerdene dîye reyna kî destê xo welatê xo ra nêkerd û wayîr vejîya. Ma talanê xozayî nêwazenîme.”
