Walitiya Şirnexê heta 1ê îlonê çûyîna gundan qedexe kir.
Li gor agahiyên hatine bidestxistin Walitiya Şirnex biryar daye ku heta 1ê îlonê çûyîna gundan qedexe ye. Li gel ku biryarek fermî tune ye jî Fermandariya Cendermeyan a bajaroka Bêspin a navçeya Silopya bi rêya telefonê li keyayên gundên Bilga û Cilbiya geriyane û ev biryara ne fermî ragihandine. Walitiya Şirnexê di 22ê tîrmehê de biryar dabû ku ketina herêmên daristan lê hene, heta 1ê îlonê were qedexekirin. Ev gund di salên 90î de hatine valekirin û bi salan e daristanên van gundan tên talankirin. Şêniyên van gundan her sal meha tebaxê ji bo komkurina hîlberînên xwe gwîz û simaqê diçin gund. Lê îsal ji ber hatiye qedexekirin dê nikaribin biçin gund.
Yek ji cihê herî zêde dar lê tê birîn Gundê Çilbiya ye. Piştî herêm ji çûn û hatinê re hat qedexekirin, dê taristan bêtir bêne talankirin.
