Li navçeya Cizîrê derket holê ku beriya hilbijartinên rêveberiyên xwecihî wesayîtek Şaredariya Cizîrê ji aliyê emniyetê ve hatiye dizîn.
Li navçeya Cizîrê ya Şirnexê beriya hilbijartinên rêveberiyên xwecihî yên 31ê Adara 2024an ji aliyê qeyim Nazli Demîr ve gelek amûr, parq û avahiyên şaredariyê dewrî saziyên dewletê hatibûn kirin.
Bêyî ku li noterê dewrê çêbikin minibus birine
Derket holê ku minîbusek Şaredariya Cizîrê 5 rojan beriya hilbijartinê ji aliyê polîsên Midûriyeta Emniyetê ya Cizîrê ve bêyî ku li noterê dewra minibusê were çêkirin hatiye dizîn.
Emniyet bersiva şaredariyê nade
Piştî ku rêveberiya Şaredariya Cizîrê pê hesiya ku diziyek wiha hatiye kirin, ji bo Miduriyeta Emniyetê ya Cizîrê nivîs şand û xwestin minibusê radestî şaredariyê bikin lê heya niha bersivek ji bo şaredariyê nehatiye dayîn.
Rayedarên şaredariyê dan zanîn ku ew ê serî li rêyên hiqûqû bidin.
