Meclîsa Ciwanan a DBPê û DEM Partiyê têkildarî pêvajoya “Aştî û Civaka Demokratîk” dê di 14ê Tebaxê de meşa ku bê lidarxistin de li avahiya DEM Partiyê daxuyanî dan û gotin: “Em ê li ser jiyana Sosyalîst israr bikin, em ê bi Rêbertiya Azad xwe bi rêxistin bikin.”
Meclîsa Ciwanan a Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP) têkildarî meşa ku dê di 14ê Tebaxê de di çarçoveya pêvajoya “Aştî û Civaka Demokratîk” de li dar bixin, li avahiya Rêxistina DEM Partiyê ya Amedê daxuyaniyek dan çapemeniyê. Di daxuyaniyê de Aktîvîsta Tevgera Jinên Azad (TJA) û rêveberê MED-TUHAD-FEDê Orhan Işik jî beşdarî civînê bûn. Ciwanan anî ziman ku ew ê wek meclîsa ciwanan bi ruhê rêxistinkirî gund bi gund, kolan bi kolan, tax bi tax bajar bi bajar dê erk û berpirsiyariya xwe ya qonaxa dîrokî bi cih bînin.
Metna çapemeniyê ya bi zimanê Kurmancî Sultan Yorulmaz û metna bi Tirkî jî Yusuf Demîrpolat xwendin.
‘Em ê li her derê xebata rêxistinkirinê bidomînin’
Endama Meclîsa Ciwanan a DBPê Sultan Yorulmaz diyar kir ku ew ê wek meclîsa ciwanan li her qadê kar û xebatên xwe yên rêxistin kirinê bi cih bînin û got: “Wekî ku hûn jî dizanin, di peyama Rêber Apo ya ‘Xwe bi rêxistin bikin, bi rêxistin bikin!’ ya ji bo Meclîsa Ciwanan a di 4ê Nîsanê de, me wekî Meclîsên Ciwanan ên DEM Partî û DBP, kampanyaya xwe ya ‘Em li ser Jiyana Sosyalîst israr dikin, em bi Rêbertiya Azad xwe bi Rêxistin dikin!’ da destpêkirin. Ji dema destpêkirina kampanyaya me ve, me wekî hêza pêşeng û rêveber di rêxistinkirin û avakirina hewildanên ji bo avakirina civakeke aştîxwaz û demokratîk berdewam dikin. Banga dîrokî yê 27ê Sibatê, ruhê serdema nû û ruhê pêşketinê sembolên ji nû ve zayîn, vejîn û hebûnê ne. Çawa ku ruhê pêşketinê guleyek e ku di hişê lewaz ê Kurd de hatiye avêtin, banga 27ê Sibatê xala serdemeke nû ye. Wek Meclîsên Ciwanan, em ê bi rêxistinkirina xwe gund bi gund, kolan bi kolan, tax bi tax û bajar bi bajar erk û berpirsiyariyên vê qonaxa dîrokî bi cîh bînin.”
‘Dê bi ruhê hevaltiya komînalîst festîval bê lidarxistin’
Sultan Yorulmaz bi lêv kir ew ê bi ruhê hevaltiya komînalîst dê festîvalê li dar bixin û got: “Konsera me ya ku bi slogana ‘Bi Ciwanên Pêşeng Festîvala Civaka Demokratîk’ were lidarxistin, dê roja Pêncşemê 14ê Tebaxê saet di 7:00ê êvarê de bi meşekê ji avahiya DEM Partiyê ya Amedê ber bi qada konserê ve dest pê bike. Piştre festîval dê li Qada Bajêr a navçeya Peyasê dest pê bike. Em hevalên xwe yên jin ên welatparêz, ciwanên welatparêz û gelê welatparêz ê Amedê vedixwînin festîvala ciwanan a ku dê bi ruhê hevaltiya komînalîst were lidarxistin dikin.”
Aktîvîsta TJAyê Hulya Alokmen jî axivî û behsa têkoşîna jinan û ciwanan kir û xwest her kes li têkoşîna serdema nû derkeve û banga beşdariya çalakiyê kir.
Daxuyanî bi berzkirina dirûşmeya “Bijî berxwedana ciwanan” bi dawî bû.
