Serokê Meclîsê Nûman Kurtulmuş di civîna sêyemîn a Komîsyona Demokrasiyê, Xwişk-Biratî û Hevgirtina Milî de axivî û got ku meseleya herî girîng a komîsyonê ew e ku têkildarî pêvajoyê sererastkirin bên kirin û li ser gavên demokratîkbûnê biaxive.
Komîsyona Komîsyona Demokrasiyê, Xwişk-Biratî û Hevgirtina Milî ku di çarçoveya pêvajoya bi boneya çareseriya pirsgirêka Kurd de li Meclîsê hatiye avakirin, li Eywana Merasîmê ya Meclîsê civîna xwe ya 3yemîn li dar xist. Serokê Meclîsê Nûman Kurtulmuş di destpêka civînê de axivî û got ku komîsyon li gorî armanca xwe dixebite.
Kurtulmuş wiha got: “Li vê derê her kesî fikrên xwe bi aşkerayî anî ziman. Her çend her kes xwedî nêrînên cuda be jî, karîn jê re sûdewer bin. Lewma jî, hevdîtinên me yên li vê derê li gorî ruhê komîsyonê bi aşkerayî hatin kirin. Lêbelê civîna beriya vê ji ber ku civîna agahdarkirinê ya Wezîrê Parastinê, Wezîrê Karên Hundir û Serokê Îstîxbarata Neteweyî bû, bi awayekî xwezayî ji çapemeniyê re girtî hat lidarxistin. Gelek hevalên me piştî civînê anîn ziman ku wan fêm kirine bê ka çima civîn girtî hatiye lidarxistin. Beriya her tiştekî, ez ji dil û can spasiya endamên komîsyonê dikim ku hevgirtî, ji bo encamekê bi dest bixin, hewldanên xwe yên erênî raber kirine. Meseleya herî girîng a vê komîsyonê, gavên di pêvajoyê de tên avêtin li ser navê miletê me bişopîne, sererastkirinên pêwîst bike û di vê çarçoveyê de li ser gavên demokratîkbûnê biaxive. Bêguman wezîfeyên herî girîng ên komîsyona me ev in.
Hewceyî bi xurtkirina hevgirtina civakî heye
Komîsyona me jidil e. Hakimê rojevên xwe ye û bi biryarên dide rêya xwe didomîne. Girîng e ku biryarên di du civînên ewil de hatine dayin, bi piraniya dengan hatin dayin. Di qonaxeke wiha dîrokî de, hêviya me ew e ku gavên ji vir şûnde tên avêtin jî bi biryarên hevpar û bi tifaqiyeke herî mezin bên avêtin. Ji bo xurtkirina hevgirtina civakî, pêşxistina yekitî û xwişk-biratiya me ya neteweyî, ji bo xebatên di qadên azadî, demokrasî û dewleta hiqûqê de bên kirin, di bin sîwana Meclisê de tifaqa herî mezin hate avakirin û biryar hate dayin ku komîsyoneke ji 51 endaman pêk tê were avakirin. Piştî Serokatiya me ev biryar raber kirî, ji ewil ji her partiyeke siyasî yên koma wan tune ye re endamtiyek da.
Em ê pêşniyarên endaman tomar bikin
Partiya Îyiyê nivîsek şand û got ku dê endaman nede komîsyonê. Di hevdîtina pê re hatiye kirin de teqez kirin ku dê endaman nedin komîsyonê. Li ser vê yekê, bi komên partiyên siyasî re hevdîtin hatin kirin û biryar hate dayin ku li şûna 3 endamên cihê wan vala ma ye, li gorî rêjeya partiyan endam bên belavkirin. Di encama hesaba hatiye kirin de ji AKP, CHP û DEM Partiyê re yek endam ma. Piştî temamkirina van endamtiyan, nav hatin diyarkirin û endaman dest bi xebatên xwe kirin. Wekî di rojevên bi we re hatine parvekirin de hatiye diyarkirin, rojeva me ya sereke ya vê civînê ew e ku yek bi yek li hemû pêşniyarên endaman ên der heqê xebatên komîsyonê de guhdarî bikin.”
