Li Amedê bi hezaran kes bi diruşmeyên “Bijî Serok Apo”, “Bê Serok jiyan nabe” û “Ziman jiyan azadî” li navçeya Peyasê meşiyan û şahî hat lidarxistin.
Li Amedê beriya şahiya ku di çarçoveya “Aştî û Civaka demokratîk” ya dirûşmeya “Em aştî û civaka demokratîk ava dikin” pêk bê, bi tevlibûna hezaran meş pêk hat. Girseya ku nav de parlamenterên Partiya Wekhevî û Demokrasiyê ya Gelan (DEM Partî) Partiya Herêmên Demokratîk (DBP), Tevgera Jinen Azad (TJA), Dayikên Aştiyê hebûn bi hezaran kes li ber avahiya DEM Partî ya Amedê hatin gel hev. Girse bi dirûşmeyan, erbaneyan û stran ber bi Qada Bajêr a navçeya Peyasê dest bi meşê kir. Di meşê de bênavber dirûşmeyên “Bijî Serok Apo”, “Bê Serok jiyan nabe”, “Jin jiyan azadî” û “Ziman jiyan azadî” berz kirin.
‘Em ê bi ruhê Sofiyan cejna gelê kurd pîroz bikin’
Endama Meclîsa Ciwanan a DBPê Sultan Yorulmaz ewilî axivî. Sultan Yorulmaz anî ziman ku heta azadiya Rêberê Gelê Kurd Abdullah Ocalan pêk neyê avakirina civakeke azad pêk nayê û got: “Em mîmar û rêberê ‘Aştî û Civaka Demokratîk’ Abdullah Ocalan ji dil û can silav dikin. Em bi ruhê Sofiyan cejna gelê Kurd pîroz dikin. Rêya me rêya Elîfan e. Rêber Ocalan ji me re dibêje, ‘hûn rêxistin bikin’. Em ê li dijî bişaftinê civakê bi rêxistin bikin. Divê hemû cîhan, dost û dijmin bizane ku heta Rêber Apo ji tecrîda Îmraliyê rizgar nebe, civakek azad ava nabe.”
‘Li Rojava jiyana hevpar derketiye holê’
Piştre Hevseroka Giştî ya DBP’ê Çîgdem Kiliçgun Ûçar axivî û ev tişt anî ziman: “Gelê Kurd tu carî li hember gelên herêma ku lê dijîn dijminatî nekiriye. Berevajî vê ew li dijî kesên ku wekî dijmin tevdigeriyan rawestiyan e. Îradeya jiyana hevpar û demokrasiyê ya ku li Rojava derket holê, di nav parametreyên bingehîn de ne, her yek ji me dêAmed / AW
‘Siyaseta demokratîk mifteya çareseriya pirsgirêka kurd e’
Çîgdem Kiliçgun Ûçar der barê çarçoveya komîsyona ku li meclisê hatiye damezrandin axivî û got: “Hem dewlet û hem jî partiya desthilatdar divê sînorên îdeolojîk xêz bikin. Bi heman zimanî diaxive, an jî ji bo heman partiyê deng dide. Azadî û serweriya hiqûqê bingeha civaka aştiyane û demokratîk in. Em li Tirkiye û Rojhilata Navîn siyaseta demokratîk wekî mifteya herî bihêz a çareserkirina pirsgirêka kurd dibînin û ji bo wê têdikoşin.”
