Şirnex– Wezareta Çand û Geştê ya Tirk li bajarên bakûrê Kurdistanê dest bi xebata rêze bernameyên çanda tirkî yên pişaftinê kir.
Rayedarên dewletê ji bo pişaftina zarok û ciwanên bakûrê Kurdistanê piştî saziyên perwerdehiyê, komeleyên tirk-osmanî û cemaetên olî , niha jî Wezareta Çand û Geştê ya Tirk xistiye dewreyê. Wezaretê ji bo bajarên Çewlîk, Dersîm, Bedlîs, Colemêrg û Şirnexê bi navê, ‘Şahiyek ji Anatoliya’ bernameyek derxistiye û ev bername 32 rojan berdewam bikin. Ji bo reklama van bernameyên pişaftina çanda civaka kurdan bikin rûpelên medyaya civakî hatine vekirin û hemû parvekirinên van rûpelan dûrî rastiya çand û erdnîgariya kurdî ye.
Kesên alîgirên şer derdixin ser dikê
Ji van bernameyan yên herî balê dikişînin yek jê jî konserên ‘hunermedên tirk’ e. Ev kesên ‘hunermed’ in ku alîgirên AKPê ne, bi stranên nijadperestiya tirkan li ser dikan bi saetan dimînin. Gelek ji van kesan, ew kes ên ku piştgirî didan êrîşên li ser bajarên rojavayê Kurdistanê.
Bi bername û lîstikên tirkan dixwazin zarokan bixapînin
Di van bernameyên pişaftinê de ya herî balkêş bernameyên ji bo zarokan e. Hemû bernameyên zarokan bi zimanê tirkî tên lidarxistin û lîstikên tên lîstin jî dîsa hemû yên çanda tirkan in.
Dîmenên xwezayê cuda rastiya xwezayê cuda ye!
Di dîmenên tên parvekirin de weke ku li van bajaran qeleqolên leşkerî tunebin, weke ku herêmên ketina sivîlan yên qedexe tubebin, weke ku xwezaya Kurdistanê neyê talankirin nîşan didin. Kesên ku li dîmenên wezaretê binêre haya wan dê qet ji talana xwezaya Kurdistanê nebe.
Ev bernameyên Wezareta Çand û Geştê ya Tirk pirs û fikarên hewldana bişaftinê zêde dike.
