Navenda Ragihandina HPGê ragihand ku êrişên TSKê ên bi SÎHA û çekên giran di meha tebaxê de jî li dijî Herêmên Parastinê yên Medyayê dewam kirin.
Navenda Ragihandin û Çapemeniyê ya Hêzên Parastina Gel (HPG-NRÇ) derbarê êrişên TSKê yên di navbera 8-31ê Tebaxê yên li ser hêzên gerîla yên li Herêmên Parastinê yên Medyayê agahî parve kir.
Daxuyaniya HPGê wiha ye:
“8ê Tebaxê Qada Berxwedanê ya Serê Metînayê 4 caran bi çekên giran hate bombekirin.
9ê Tebaxê dagirkeran hewl dan li cihekî nû yê li Qada Berxwedanê ya Serê Metînayê ya herêma Metîna bi cih bibin û bi çekên giran bombe li tunelan barandin. Bi teknîkê dest li dagirkeran hate werdan.
11ê Tebaxê Qada Deşta Kafya ya herêma Garê 5 caran bi çekên giran hate bombekirin.
18 û 19ê Tebaxê Qada Berxwedanê ya Girê Baharê ya li herêma Şehîd Delîl a Rojavayê Zapê 3 caran bi çekên giran hate bombekirin.
Di navbera 8 û 31ê Tebaxê de ÎHA û SÎHA bi rengekî zêde li ser herêmên Zap, Metîna, Xakurkê, Garê û Qendîlê geriyan û keşif kirin.”
