Nûnerên MSD, li Helebê bi dîplomatên balyozxaneya Almanya ya li Sûriyeyê re hevdîtin kirin. Li ser rewşa Sûriyeyê û aramiyê Sûriyê axivîn.
Nûnerên Meclisa Sûriyeya Demokratîk (MSD), li Helebê bi şandeyeke Almanî re civiya. Li bajarê Helebê di navbera nûnera MDSê Cîhan Mihemed û dîplomatên balyozxaneya Almanya ya li Sûriyeyê Tulia Audran, Alla Aschender û Stephen Kamel de civînek hate lidarxistin. Di civînê de awayên pêşvebirina çareseriyek siyasî ya berfireh li Sûriyeyê û mekanîzmayên xurtkirina bingehên aştiya domdar hatin nîqaşkirin. Di civînê de, nûnerên MSDê ezmûna Rêveberiya Xweseriya Demokratîk a Bakur û Rojhilatê Sûriyeyê dane nasîn.
Mijara peymana 10ê Adarê ya di navbera hikûmeta veguhêz û Hêzên Sûriyeya Demokratîk (HSD) de hat îmzekirin û peymana Şêxmeqsûd û Eşrefiyê û astengiyên pêkanîna wê jî hatin gotûbjkirin.
Her du aliyan diyar kirin ku divê di hemû qonaxên pêvajoya siyasî de hemû pêkhate û mezhebên Sûriyeyê bi awayekî wekhev beşdar bibin. Şandeya Almanî da zanîn ku welatê wan guh dide mijara koçberên bi darê zorê. Her wiha destnîşan kir ku divê ji bo vegera koçberan bo herêmên xwe şert û mercên ewlehiyê werin peydakirin.
