Fîlozofê Awûstûryayî Robert Pfaller ku teorîsyenê çandê ye piştgirî da Banga Aştî û Civaka Demokratîk a Rêberê Gelê Kurd Abdullah Ocalan û wiha got: “Banga Abdullah Ocalan fersendeke dîrokî ye.”
Prof Robert Pfaller peyamek ji Partiya Demokrasî û Wekheviyê ya Gelan (DEM Partî) re şand û diyar kir ku biryara fesixkirina PKK’ê gelekî girîng e û wiha got: “Ji bo biryareke bi vî rengî bê wergirtin, pêwîstî bi pêşdîtin û wêrekiyeke mezin heye. Vê yekê fêhm dikim. Hêvîdar im aktorên siyasî yên li Tirkiyeyê hemû jî wê fêhm bikin bê ev yek firsendeke dîrokî ye.”
Derbarê Prof. Robert Pfaller de
Robert Pfaller di sala 1962’an de ji dayik bû û derbarê xebatên xwe yên teoriya çand, rexnekirina bîrdozî û psîkanalîzê de tê naskirin. Li Viyan û Berlînê perwerdeya felsefeyê dît. Hîn jî li Zanîngeha Hunerê û Dîzayna Endustriyê ya Linzê weke profesor wezîfeyê dike.
