Rojnameger û ekolojîst Hakan Tosun ê li Stenbolê di êrişekê de birîndar bûbû jiyana xwe ji dest da.
Rojnameger û ekolojîst Hakan Tosun roja êvara 10ê Cotmehê li Stenbolê dema diçû cem malbata xwe ya li navçeya Esenyûrtê bi êrişê re rû bi rû ma. Hakan Tosun ê ku ji serê xwe darbe xweribû li Nexweşxaneya Dewletê ya Çam Sakura ya Stenbolê dihate dermankirin. Xwîn rijiyabû ser mêjiyê Tosun.
Tosun tevî hemû mudaxileyên bijîşkan jî jiyana xwe ji dest da.
DFGê nerazîbûn nîşan da
Komeleya Rojnamegeran a Dîcle Firatê (DFG) û gelek rojnameger û siyasetmedaran nerazîbûn nîşanî kuştina Tosun dan. DFGê sersaxî ji civata ekolojîst û rojnamegeran re xwest û got heta ku kujer û berpirsiyarên kuştina Tosun derkevin holê dê têkoşînê bidomînin.
