Li Amedê bi tevlêbûna sed hezaran kesan konsera Koma Amed pêk hat. Ji qadê çend nîşeyên girîng.
Koma Amed piştî 30 salan li Amedê bi tevlêbûna bî sed hezaran kesî konserek da. Gel di saetên zû de li ber deriyên qadê benda têketinê sekinîn.
Lê ji ber têketina qadê ji aliyê polisan ve hatibû astengkirin girse bi seatan li benda ketina qadê hat rawestandin. Bi hezaran kes ji ber ku nekarîn bikevin qadê pişt benda polisan tev li konserê bûn.
Ciwan bi dirûşmên “Bijî Serok Apo” û “Bijî berxwedana ciwanan” ketin qadê. Pankartên “Berî her tiştî Kurd im” û “Jiyan bi Kurdî xweş e” hatin vekirin.
Gelê ku li qadê diyar kir ku ew bi hatina Koma Amed serbilind in û anîn ziman ku heta Rêberê Gelê Kurd Abdullah Ocalan bi awayê fizikî azad bibe dê têkoşîna wan berdewam bike.
Li qadê ji bo dewletê gotin: “Ji bo gel ji pêvajoyê bawer be divê dewlet gav bavêje.”
Ji gelek bajarên Kurdistan û Tirkiyeyê gelek kes ji bo konserê herikîn Amedê. Ji her herêmên Kurdistanê bi cil û bergên xwe yên Kurdî hatin qadê.
Hunermend Şivan Perwer, Hesen Şerîf, Hozan Şemdîn, Xelîl Xemgîn peyamên bi dîmen şandin û girîngiya bajarê Amedê û Koma Amed vegotin.
Malbata Rojîn Kabaîşê ya ku li Wanê bi awayekî biguman jiyana xwe ji dest dabû tev li konserê bû û dovîzên ku “Ji bo Rojîn Kabaîşê edelet” vekirin. Endamên Koma Amed jî li ser dikê ji bo Rojîn Kabaîşê edalet xwest. Wêneyên Rojîn Kabaîşê di ekranê de hatin nîşandan.
Girse piştî konserê bi dirûşmeyan meşiya.
