CHPê tekildarî çareseriya pirsgirêka Kurd rapora ku ji 53 rûpelan pêk tê teslîmî komisyona ji bo pêvajoya Aştî û Civaka Demokratîk hatiyde amadekirin kir. Endamê komîsyonê yê CHPê Murat Emîr ku rapor teslîm kir bilêv kir ku ji bo demokratîkbûyina Tirkiyeyê gelek pêşniyarên wan di raporê de cih girtine.
Komîsyona Demokrasî, Xwîşk-Biratî û Hevgirtina Mîllî ku di çerçoveya Pêvajoya Aştî û Civaka Demokratîk de li meclisê hatiye avakirin piştî qedandina guhdarkirinan ji bo pêvajoya derxistina qanûnan dest bi berhevkirina partiyên siyasî kir. Partiyên siyasî ku di komîsyonê de ne, heta niha ji bilî CHPê û AKPê hemû partiyan raporên xwe teslîmî komîsyonê kir. CHPê jî îro rapora ji 53 rûpelan pêktê teslÎmî meclisê kir. Di rapora CHPê de mafê heviyê, rewşa şervanên Tevgera Azadiyê cih negirt.
Murat Emîr derbarê raporê de bilêv kir ku divê komîsyon bi awayekî qanûnî bihata avakirin û wiha got: “Di dema guhdarkirinan de astengkirina dayikên ku xwestin bi Kurdî biaxivin û operasyonên li dijî şeredarên hatinê hilbijartin û sepanên antî demokratik baweriya komîsyonê kêm kir.”
Di raporê de van xalan cih girtin; “*Ji bo biryarên Dadgeha Mafê Mirovan û Dadgeha Makezagonê pêk werin divê astengiyên îdarî û siyasî bên rakirin.
*Ji bo avakirina aştiyeke civakî sepanên siyasî ku astengiyê ji bikaranîna mafên di destûra bingehîn de hatinê diyarkirin re derdixîne divê bi dawî bibe.
*Divê xalên ku pêşî li azadiya remanê digirin di kanûna terorê û cezayê de bên derxistin.
*Divê qanûna ku gel sewqî kîn û dijminatiyê dike ji nû ve bê sererastkirin.
*Qanûnên ku sansurê û astengiyan ji ragihandinê re derdixînin ji nû vê bên sererastkirin.
*Astengiyên hiqûqî yên ku di pêşiya çapemeniyê de ne divê bên rakirin.
*Hemû astengiyên ku li pêşya azadiya rêxistinkirinê ne divê bên rakirin.
*Yên bi KHKê ji karê xwe hatinê dûrxistin divê rewşa wan careke din bê nirxandin.
*Pêşniyarên demokratik ji bo çareseriya pirsgirêka Kurd û bi dawîbûna sepanên qeyûman û xurtkirina rêveberiyên herêmî divê bê kirin.
*Divê pêşî li biryarên keyfî yên Lîjneya Çavderiyê ya Girtîgehan bê girtin.
*Xweseriya Dadgehê divê bê mîsogerkirin.
* Divê têkoşîneke xurt li dijî tundiya li ser jin û zarokan bê meşandin.
*Ji bo Cemxaneyan statuya îbadetê divê bê qebûlkirin.”
