* Wênesaz Abdullah Babat ku li ser rola çand û hunerê ya di pêvajoya “Aştî û Civaka Demokratîk” de axivî, diyar kir ku çand û huner mêjî û bîra civakê ye û got: “Çand û huner ruh e û heke pêvajo bi vî ruhî hat vegotin dê civak jî tev li pêvajoyê bibe.”
* Saziya Mafên Mirovan a Hengawê rapora xwe ya salane ya 2025an parve kir. Li gorî raporê, sala 2025an ji bo mafên mirovan li Îranê bûye “sala reş” û darvekirin du qat zêde bûne, tundiya li dijî jinan gihîştiye asteke metirsîdar.
* Sakîne Demîr da zanîn ku keça wê Sêvê Demîr gelekî ji çand, ziman û nasnameya xwe hez dikir, lê xwedî derdiket û got: “Sêvê gelek ji bo têkoşîna azadiyê dixebitî û em bi şehadeta wê gelekî serbilind in”
* Xizmên Windayan û Şaxa ÎHDê ya Amedê dê di hefteya 882yemîn de çalakiya “Bila winda bên dîtin û faîl bên darizandin” berdewam bike û li aqûbeta Fethî Yildiz ê ku di 4ê Çileya 1994an de li Weranşarê hatiye windakirin bipirse. (12:00)
* Meclîsa HDKê ya Îzmîrê wê li Navenda Çandê ya Narlidereyê ji bo Sirri Sureya Onder bernameya bîranînê li dar bixe û bi ciwanan re bicive. (16:00)
* Şîna ji bo mamosteyê Çapemeniya Azad rojnameger û nivîskar Huseyîn Aykol li Şaxa ÎHDê ya Enqereyê hatiye danîn dê di roja duyemîn de berdewam bike.
