Li ser sînorê başûr û bakurê Kurdistanê li cihê ku Komkujiya Roboskiyê pêk hatî cenazeyê kesekî di bin berfê de hat dîtin.
Li gor agahiyên hatine bidestxistin di 30ê kanûna 2025an de 4 kesên ku ji Silêmaniyê ne û xwestine derbasî bakurê Kurdistanê bibin. Ji ber barîna berfa zêde xwestine paşde vegerin û welatiyê Halo Yunis Kerîm di nava berfê de maye. Li ser xwesteka malbata Halo Yûnis Kerîm, çend roj in şeniyên gundê Roboskiyê yê navçeya Qilebanê ya Şirnex dixwestin biçin cihê bûyerê lê leşkeran destûr nedida.
Îro danê êvarê şêniyên Roboskiyê çûn cihê bûyerê û dîtin ku cenazeyê Halo Yûnis Kerîm li cihê Komkujiya Roboskiyê di bin berfê de ye. Piştî ku şêniyên gund cenaze ji cihê bûyerê wergirtin, radestî leşkeran kirin.
Hate hînbûn ku cenazeyê Halo Yûnis Kerîm li morga Nexweşxaneya Dewletê ya Qilebanê ye. Her wiha li gor agahiyan ji nexweşxaneyê hatine bidestxistin Halo Yûnis Kerîm ji ber hîpotermiyê jiyana xwe ji dest daye.
