Platforma Saziyên Demokratîk têkildarî êrişên li dijî Rojava li navçeya Dêrik a Mêrdînê meşek li dar xist. Parlamenterên DEM Partiyê, hevşaredar, endam û rêveberên partiyên siyasî û saziyên sivîl ên civakî di nav de gelek kes tev li meşê bûn.
Gelê navçeya Dêrikê ya Mêrdînê bi armanca piştgiriya berxwedan û parastina destkeftiyên Rojava meş li dar dixe. Girseya ku li ber avahiya postexaneyê kom bû pankartên li ser “Rojava hêvî ye, berxwedan e, azadî ye. Xwedîderketina li Rojava Xwedîderketina li Mirovahiyê ye” û dowîzên “Jin jiyan azadî”, “Keziyên me berxwedan e”, “Rojava xeta me ya sor e” û “Rojava rûmeta me ye”, “Kezî têkoşîne, azadî ye, rûmet e”, “Heta Em azad nebin hûn rehetiyê nabînin” , “Li Kobanê zarok dicemidin”, “Li Kobanê komkujiya zarokan heye”, “Bi berxwedanê em ê serbikevin”, “Zarokên Kobanê ne bi tenê ne” rakirin. Girseyê ji ber postaxaneyê dest bi meşê kir û meş li Qada Navçeyê bi dawî bû.
