Dayikên Aştiyê yên Stenbolê di dawiya çalakiya xwe de li pêşiya Balyozxaneya Sûriyeyê daxuyanî dan û gotin: “HTŞ DAIŞa nûjen e.”
Dayikên Aştiyê yên Stenbolê çalakiyên xwe yên li dijî êrişên ser Rojava bênavber didomînin. Dayikên Aştiyê di 26ê Çilêyê li pêşiya Balyozxaneya Ingilîstanê, di 27ê Çileyê li pêşiya Balyozxaneya Îsrailê, 28ê Çileyê jî li pêşiya Balyozxaneya Amerîkayê daxuyanî dan û çelenk danîn pêşiya deriyên balyozxaneyan.
Dayikên Aştiyê îro di çarçoveya çalakiyên xwe de li pêşiya Balyozxaneya Sûriyeyê kom bûn û dirûşmên “Bijî berxwedana Rojava”, “Jin Jiyan Azadî” û “Kujer Colanî” berz kirin.
‘Bo Filîstînê bang bo kurdan bêdengî heye’
Dayika Aştiyê Feleknas Karabaş di çalakiyê de diyar kir ku HTŞ, DAIŞa nûjen e û wiha axivî: “Bila dewleta Tirkiyeyê çek nedê HTŞê. Bi destê dewleta Tirk, ev kuştin pêk tên. Zarok tên kuştin. Di tu qanûnan de tişteke wisa tune ye. Gelê Tirkiyeyê mafê Filîstînê dixwaze lê ji gelê Kurd re tiştekî nabêje. Gelê Kurd ev dehan sal in li Rojava li ber xwe dide. Piştî vê demê pêş ve çûyîn nîn e. Ev dewletên mezin bila nebêjin Kurd tune ne, Kurd hene. Sivîl, zarok tên kuştin keziyên jinan tê jêkirin. Tu wicdan vê tiştê qebûl nakê. Em hemû Kurd îro li ser pêyan in mafê xwe dixwazin.”
Çelenga reş a şermezarkirinê
Dayikan Aştyê di çalakiya xwe ya dawî de çelenga reş a ku li ser ‘Em şermezar dikin’ dihat nivîsandin danîn li pêşiya balyozxanayê. Çalakî bi berzkirina dirûşman bi dawî bû.
